وبامانىڭ وكىلى ترامپتىڭ «تەلەفون تىڭداۋ» جايلى ءسوزىن جوققا شىعاردى
ليۋستىڭ سوزىنشە، بۇرىنعى پرەزيدەنت بيلىكتە بولعان كەزدە وباما دا، اق ۇيدەگى وزگە رەسمي تۇلعالار دا ەشبىر ا ق ش ازاماتىن اڭدۋعا پارمەن بەرمەگەن.
ليۋستىڭ مالىمدەمەسىندە «وباما اكىمشىلىگىندەگى ەڭ باستى ەرەجە: اق ۇيدەگى ەشبىر رەسمي تۇلعا ا ق ش ادىلەت مينيسترلىگى جۇرگىزەتىن تاۋەلسىز تەرگەۋ بارىسىنا ەشقاشان ارالاسپايدى دەگەن ۇستانىم بولاتىن» دەلىنگەن.
بۇعان دەيىن ناۋرىزدىڭ 4 ءى كۇنى ا ق ش پرەزيدەنتى دونالد ترامپ Twitter الەۋمەتتىك جەلىسىندەگى جازباسىندا وتكەن جىلعى قاراشاداعى سايلاۋعا دەيىن «ترامپ تاۋەر» عيماراتىنداعى ءوز تەلەفون اڭگىمەلەرى «وبامانىڭ بۇيرىعى بويىنشا تىڭدالعانى» تۋرالى مالىمدەگەن. ءبىراق ترامپ ءسوزىن دالەلدەيتىن ەشقانداي ايعاق كەلتىرمەگەن.
«ازاتتىق»
