قازاقستاننىڭ ءۇش وڭىرىندە لاۋازىمدى تۇلعالار ۇستالدى

«قاراعاندى وبلىسى ەڭبەك، الەۋمەتتىك دامۋ جانە كوشى-قون دەپارتامەنتىنىڭ № 3-دارىگەرلىك-الەۋمەتتىك ساراپشىلىق ءبولىمىنىڭ جەتەكشىسى م. وسپانوۆ جۇيەلى تۇردە جالپى سوماسى 300 مىڭ تەڭگە پارا العانى ءۇشىن ۇستالدى»، - دەپ حابارلادى ۇلتتىق بيۋروداعىلار. 2 -ناۋرىزدا م. وسپانوۆ مۇگەدەكتىكتىڭ 3-توبىن كەدەرگىسىز ۇزارتۋ ءۇشىن 80 مىڭ تەڭگە پارا العانى ءۇشىن ۇستالىپ، جەزقازعان قالالىق ءى ءى ب ۋاقىتشا ۇستاۋ يزولياتورىنا قامالدى. «جامبىل وبلىسىندا "قورداي اۋداندىق اكىمدىگىنىڭ جەر قاتىناستارى» م ق ك جەتەكشىسى ب. سازانباي 300 مىڭ تەڭگە پارا العانى ءۇشىن ۇستالدى. ول جەرگە ورنالاستىرۋ جوباسىنا قول قويۋ ءۇشىن زاڭسىز سىياقى العان"، - دەيدى ۇلتتىق بيۋروداعىلار.

سونىمەن قاتار لەڭگىر قالاسىنىڭ اكىمى قىلمىس ۇستىندە ۇستالدى. "وڭتۇستىك قازاقستان وبلىسى تولە ءبي اۋداندىق لەڭگىر قالاسىنىڭ اكىمى س. بايىمبەتوۆ پەن وسى اۋداننىڭ جەر قاتىناستارى ءبولىمىنىڭ باس مامانى ا. تۇرعىن جەر ۋچاسكەسىن بەرۋ ءۇشىن 100 مىڭ تەڭگە پارا الىپ جاتقان جەرىنەن ۇستالدى»، - دەپ حابارلادى ۆەدومستۆوداعىلار. ب. سازانباي، س. بايىمبەتوۆ جانە ا. تۇرعىن قىلمىستارىن تولىقتاي مويىنداپ، وسىعان بايلانىستى سوتالدى ءوندىرىس جەدەلدەتىلگەن تارتىپتە اياقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى