مەنى قولداعان قازاق ەلىنە العىسىمدى ايتامىن - ەكاتەرينا لاريونوۆا
بۇل تۋرالى ايەلدەر كۇرەسىنەن ريو وليمپياداسىنىڭ قولا جۇلدەگەرى ەكاتەرينا لاريونوۆا ءمالىم ەتتى، دەپ حابارلايدى «قازاقپارات» ح ا ا ءتىلشىسى.
«سىزدەر مەنى تەك جەڭىستى ساتتەرىمدە عانا ەمەس، كەيبىر قينالعان كەزدەرىمدە دە قولداپ-قولپاشتاپ كەلەسىزدەر. سىزدەر مەنىمەن ءاردايىم بىرگەسىزدەر. مۇنى مەن ۇدايى سەزىنىپ وتىرامىن. ءبارىڭىزدى جاقسى كورەمىن. ءوزىم قادىر تۇتاتىن باسشى قىزمەتكەرلەرگە دە العىسىمدى ايتامىن. قازاقستانىمىز وركەندەپ، العا باسا بەرسىن. جەڭىستى كۇندەردە جولىققانشا!»، دەدى «قازاقپارات» تىلشىسىنە ەكاتەرينا لاريونوۆا.
ايتا كەتەيىك، كىشكەنتاي كۇنىنەن اكەسى الەكسەي جاتتىقتىرىپ كەلە جاتقان ەكاتەرينا قازىر 23 جاستا. كادەتتەر مەن جاستار اراسىنداعى كوپتەگەن دودالاردا ولجا سالعان ە. لاريونوۆا 2013 -جىلى بۋداپەشتتە ايەلدەر كۇرەسىنەن الەم چەمپيوناتىنىڭ قولا جۇلدەگەرى اتاندى.
ارينە، ونىڭ ۇلكەن جەڭىسى - وتكەن جىلعى ريو وليمپياداسىندا جۇلدەگەرلەر قاتارىنان كورىنىپ، ەل مەرەيىن اسقاقتاتۋى.
اۆتور: ەلجان ەرالى
