قازاقستاندىق لوكوموتيۆتەر ءازىربايجانعا ەكسپورتتالىپ جاتىر

 ەلىمىزدەن زاماناۋي تەپلوۆوزدار ساتىپ العان ءازىربايجان لوكوموتيۆ پاركىن دە جاڭارتۋعا كوشكەن. جۇك تاسىمالىندا قولدانىلاتىن بۇل كولىكتەر زامان تالابىنا ساي جابدىقتالعان. ءازىربايجانعا ەكسپورتتالعان قازاقستاندىق لوكوموتيۆتەردىڭ تەحنولوگيالىق ارتىقشىلىعى قۋات ۇنەمدەيدى ءارى ۆاگونداردى تارتۋ كۇشى جوعارى، سونداي- اق كابينالارى بارىنشا جايلى جاسالعان.

 اكيم اسلانوۆ، «ءازىربايجان تەمىر جولى» لوكوموتيۆ قىزمەتىنىڭ باسشىسى:

 - ТЭ33А تەپلوۆوزدارى زاماناۋي ۇلگىگە ساي جاسالعان. شىعىندى 30-35- پايىزعا ۇنەمدەۋگە مۇمكىندىك بەرەدى. كابينالاردا ماشينيستەرگە ارنالىپ توڭازىتقىش، سالقىنداتقىش، جول قاۋىپسىزدىگىن باقىلايتىن ارنايى جۇيە ورناتىلعان. بۇل كولىك لوكوموتيۆ جۇرگىزۋشىلەرىنىڭ كوڭىلىنەن شىقتى.

باسقارۋ جۇيەسى تولىعىمەن كومپيۋتەرلىك باقىلاۋدا. قوزعالتقىش قۋاتى 4600 اتتىڭ كۇشىمەن پارا- پار.

ەميل الييەۆ، لوكوموتيۆ جۇرگىزۋشىسى:

  - بۇل لوكوموتيۆتەر باسقالاردان ەرەكشە. سالماعى بەس، بەس جارىم مىڭ توننا سوستاۆتى تارتا الادى. قاۋىپسىزدىك جۇيەسى لوكوموتيۆ جۇرگىزۋشىسىنىڭ ارەكەتىن باقىلاپ، رۇقسات ەتىلگەن جىلدامدىقتان اسىپ كەتۋگە مۇمكىندىك بەرمەيدى. بارلىق مالىمەت كومپيۋتەرمەن تەكسەرىلىپ وتىرادى. اۆتوماتتاندىرىلعان ءورت ءسوندىرۋ قۇرىلعىسى دا بار.

كومپيۋتەردەن جىلدامدىقتى، ماي مەن سۋ تەمپەراتۋراسىن، تارتۋ كۇشىن باقىلاپ وتىرۋعا بولادى. بۇگىندە ءازىربايجان ەلى تاسىمال جۇيەسىن جاقسارتۋ ماقساتىمەن لوكوموتيۆ پاركىندە جاڭارتۋ جۇمىستارىن جۇرگىزىپ جاتىر.

«ءازىربايجان تەمىر جولى» وكىلدەرىنىڭ ايتۋىنشا، جول قاتىناسىنداعى جۇك اينالىمىنىڭ ارتۋىنا وراي بۇل مەملەكەت قازاقستاننان قوسىمشا تەپلوۆوزدار بەن ەلەكتروۆوزدارعا تاپسىرىس بەرىپ وتىرماق.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى