قاراقات ءابىلدينا ديماشتى ۋاقىتىندا باعالاماعانداردى سىناپ تاستادى
ءانشىنىڭ ايتۋىنشا، شەتەلدىكتەر تورىنە شىعارعاننان كەيىن عانا ەل حالقى «بۇل ءبىزدىڭ بالا» دەپ داۋرىعادى.
بۇل تۋرالى Stan.kz حابارلايدى.
«ۇلىم دەگەن ۇلت بولماسا، ۇلتىم دەگەن ۇل قايدان شىقسىن! اتتەڭ، وزگە ەلدەر تورىنە شىعارعان كەزدە عانا ءوزىمىزدىڭ بالا عوي دەپ داۋرىعاتىنىمىز قيىن-اق. قولدا باردا التىننىڭ نەگە قادىرى بولمايدى ەكەن وسى؟! الەمنىڭ الدىندا ۇلتتىڭ اتىن ۇلىقتاپ جۇرگەن بارلىق ونەرپازدى وسىنداي ماحابباتپەن قارسى الىپ، جار سالىپ ۇيرەنسەك كوپ بايراقتىڭ ىشىنەن كوك بايراعىمىز ءالى تالاي جەلبىرەي بەرمەك! العا ديماش! العا قازاقستان!» - دەيدى ول.
قاراقاتتىڭ بۇل جازباسىنا جەلى وقىرماندارى سان ءتۇرلى پىكىر قالدىردى. ولاردىڭ باسىم بولىگى ءانشىنىڭ پىكىرىمەن كەلىسكەن.
«قاراقات حانىم، جاقسى ايتتىڭىز. ءبىز قازاقتاردى عاجاپقا سەندىرۋ ءۇشىن ۇلكەن دالەل كەرەك. وڭايلىقپەن مويىندامايمىز عوي»، «بارلىق انشىلەردىڭ كوزدەرى جەتكەن شىعار ەندى، ءاندى قالاي ايتۋ كەرەكتىگىن ايتامىن»، «قازاقتىڭ كوزىن اشقان كورشى ەلگە مىڭ العىس، فونوگراممانى قوسىپ، اقشانى سىپىرىپ العان ءانشىنى ارجاقتاپ، ەلىمىزدەگى ىمدى بىلمەگەن دىمدى بىلمەگەن كونكۋرس سىماقتا پاتشا مەن قۇدايمىن دەپ وتىرعان قازىلاردىڭ قانشالىقتى بىلگىرلىكتەرىن ديماش قاتىرىپ دالەلدەپ ءجۇر، العا ديماش»، «ونىڭ جاۋابى: بىزدە بىلىكتى ماماندار جوقتىڭ قاسى، ناىز تالانتتى باعالاي، تاني المايدى قازىلار»، - دەپ پىكىر ءبىلدىردى ولار.
