قىتايدا شياندىق ستۋدەنتتەر قازاقستاننىڭ كونستيتۋتسيالىق رەفورماسىن تالقىلادى - فوتو
«دوڭگەلەك ۇستەل جۇمىسىنا چانان ۋنيۆەرسيتەتى، شيان كولىك ۋنيۆەرسيتەتى، شانشي پروۆينتسياسىنىڭ پەداگوگيكالىق ۋنيۆەرسيتەتى، سولتۇستىك- باتىس پوليتەحنيكالىق ۋنيۆەرسيتەتى، شيان شەت تىلدەر ۋنيۆەرسيتەتى، ب و ا ي حالىقارالىق مەكتەبىندە ءبىلىم الىپ جۇرگەن قازاقستاندىق ستۋدەنتتەر قاتىستى. ءبىز ق ر پرەزيدەنتىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن جانە «قازاقستان رەسپۋبليكاسىنىڭ كونستيتۋتسياسىنا تولىقتىرۋلار مەن وزگەرىستەر ەنگىزۋ تۋرالى» ق ر زاڭىن اسقان قىزىعۋشىلىقپەن تالقىلادىق»، - دەپ حابارلادى شيان كولىك ۋنيۆەرسيتەتىندە «حالىقارالىق قۇقىق» ماماندىعىنىڭ 1-كۋرس ماگيسترانتى رايسيام مۋردينوۆا.
ونىڭ ايتۋىنشا، قازاقستاندىق جاستار جولداۋدا ەل دامۋىنىڭ باستى ماسەلەلەرى عانا ەمەس، ولاردى شەشۋدىڭ ناقتى ۇسىنىستارى دا كورسەتىلگەنىنە نازار اۋدارعان. مۋردينوۆا شەتەلدەگى قازاقستاندىق ستۋدەنتتەردىڭ ەلدە بولىپ جاتقان جاڭالىقتار مەن وزگەرىستەردى باقىلاپ جۇرگەنىن، پىكىر الماسۋ ءۇشىن دوڭگەلەك ۇستەلدەر مەن كونفەرەنسيالار ۇيىمداستىراتىنىن اتاپ ءوتتى.
