بولگارياداعى تۋرنيردە قازاقتىڭ ءبىر بوكسشىسى فينالعا شىقتى - فوتو
ال قامشىبەك قوڭقابايەۆ ءۇشىنشى ورىندا قاناعات تۇتتى، دەپ حابارلايدى قازاقپارات ءتىلشىسى قازاقستاننىڭ بوكس فەدەراتسياسىنا سىلتەمە جاساپ. «اتالعان تۋرنيردە اسا اۋىر سالماقتا (+91) قازاقتاندىق قامشىبەك قوڭقابايەۆ بولگار بوكسشىسى پەتار بەلبەروۆكە ەسە جىبەرىپ، ءۇشىنشى ورىندى قاناعات تۇتتى.
ايتا كەتكەن ءجون، وسىدان ەكى جىل بۇرىن قوڭقابايەۆ وسى تۋرنيردىڭ جەڭىمپازى اتانعان بولاتىن. سوڭعى ءبىر اپتانىڭ ىشىندە قامشىبەك ءتورت بىردەي جەكپە-جەكتى وتكىزدى. سونىڭ ىشىندە تالدىقورعان قالاسىنداعى WSB فورماتى بويىنشا وزبەك بوكسشىسىنا قارسى بەس راۋندتىق جەكپە- جەك تە بار. سول سەبەپتى بيىلعى قولا - جاقسى كورسەتكىش»، - دەلىنگەن فەدەراتسيانىڭ رەسمي حابارلاماسىندا.
ال 75 كەلى سالماق دارەجەسىندە ونەر كورسەتىپ جاتقان تۇرسىنباي قۇلاحمەت ۋكرايندىق ۆالەري حارلاموۆتى جەڭىپ، فينالعا شىقتى. بۇگىن ول جەرگىلىكتى بوكسشى ارمان حاكوبيانمەن كەزدەسەدى.
اۆتور: ارمان اسقاروۆ
