رەسەيدەن قايتارىلعان ەمبى پوليگونىنان مۇناي قورى تابىلۋى مۇمكىن

قورعانىس مينيسترلىگى ۇزاق ۋاقىت اتىس- شابىس ۇزىلمەگەن پوليگوندى ءجىتى تەكسەرىپ الدىق دەپ وتىر. توپىراق پەن اۋانىڭ قۇرامى بۇزىلماپتى. تابيعاتقا زيان كەلسە، رەسەي قوسىمشا وتەماقى تولەۋى ءتيىس. ويتكەنى، كورشىلەرىمىز ەمبىدەگى 800 مىڭ گەكتار جەردى جالعا الىپ، جىلدار بويى راكەتا ۇشىردى، ءتۇرلى اسكەري جاتتىعۋلار وتكىزىپ كەلدى. رەسەي بۇل اۋماقتى پايدالانعانى ءۇشىن بىلتىر ەلىمىزگە 7 ميللياردقا جۋىق تەڭگە تولەپتى. ەكى ەل اراسىنداعى كەلىسىم ەندى رەسمي تۇردە توقتاتىلىپ وتىر. قۇجاتتى ءماجىلىس ماقۇلدادى. ۇكىمەت ەمبىدەگى بوساپ قالعان پوليگوننىڭ 308 مىڭ گەكتارىن شارۋالارعا بەرمەك. قالعان اۋماقتا پايدالى قازبا جۇمىستارى جۇرگىزىلەدى. ال رەسەيدىڭ پايدالانۋىندا ءالى ميلليونداعان گەكتار جەر بار.

تالعات مۇحتاروۆ، ق ر قورعانىس ءمينيسترىنىڭ ورىنباسارى:

 - تەڭ جارتىسىن قايتاردىق. ونىڭ ءوزى 10 ميلليون گەكتارداي. 8 ميلليون 600 مىڭ گەكتار جەر رەسەي تاراپىندا قالىپ وتىر. ول جەردە رەسەيمەن بىرگە وقۋ- جاتتىعۋلار وتكىزەمىز.

http://www.ktk.kz/kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى