شىعىس قازاقستان وبلىسىنىڭ عالىمدارى ارزان ءتىس پروتەزدەرىن ازىرلەۋ ءتاسىلىن تاپتى
دەپ حابارلادى ج و و باسپا ءسوز قىزمەتى.
ءمينيستردىڭ ش ق و- عا جۇمىس ساپارى اياسىندا ۋنيۆەرسيتەتتە عىلىمي جانە ونەركاسىپتىك كاسىپورىنداردىڭ عىلىمي- زەرتتەۋ جانە تاجىريبەلىك- كونسترۋكتورلىق ازىرلەمەلەرى بويىنشا ءماجىلىس ءوتتى. ج و و ماماندارى يننوۆاتسيالىق تەحنولوگيانى تانىستىردى. ول تاۋ- كەن بايىتۋ وندىرىسىندە، مەتاللۋرگيا، مۇناي- گاز سالاسى، مەديتسينادا قولدانىلادى.
اتاپ ايتقاندا، اعزاعا ساپالى، سەنىمدى دياگنوستيكا جۇرگىزەتىن ماگنيتتى رەزونانستى توموگراف ءۇشىن «وتكىزگىش سىم» شىعارۋعا بولادى. تانتال مەن نيوبيا قورىتپالارىنان جوعارى تەحنولوگيالىق، بەرىك، باستىسى ارزان وتاندىق يمپلانتتار جاسالادى. دەنساۋلىق مينيسترلىگىنىڭ دەرەكتەرىنە سايكەس، قازاقستاننىڭ يمپورتتىق ونىمدەرىن پايدالانا وتىرىپ، جىلىنا بۋىنداردى اۋىستىرۋعا 4 ميلليارد تەڭگە جۇمسالادى. تانتال مەن تيتان ارماتۋراسىنان جاسالعان ءتىس پروتەزدەرى، بۋىندار مەن ومىرتقاارالىق ديسكىلەر ەكى ەسە ارزان بولادى.
