بۇرىنعى نەمىس كونسلاگەرىنىڭ ۇرلانعان اتاقتى قاقپاسى ورنىنا قايتارىلدى
سالماعى 100 كەلىگە تارتاتىن قاقپا 2014 -جىلدىڭ قاراشا ايىنىڭ باسىندا قولدى بولعان ەدى. 2016 -جىلدىڭ جەلتوقسان ايىندا باۆاريا پوليتسياسى حابارلاعانداي، بۇل قاقپا نورۆەگيانىڭ بەرگەن قالاسىنىڭ ماڭىنان تابىلعان. سونداي-اق، ونىڭ قالايشا بۇل ەلگە جەتكىزىلگەن جانە ونىڭ جوعالۋىنا كىمنىڭ قاتىسى بارى حابارلانباعان.
ۇرلىققا قاتىستى ەشكىم تۇتقىندالمادى. ميۋنحەن ماڭىندا ورنالاسقان داحاۋ - گەرمانيا اۋماعىنداعى العاشقى كونسلاگەر بولعان. ول 1933 -جىلى، ادولف گيتلەر بيلىككە كەلگەننەن كەيىن بىرنەشە اپتادان سوڭ اشىلدى. اتالمىش ورىندا العاشقىدا ساياسي تۇتقىندار جازاسىن وتەگەن ەدى. كەيىننەن، ەكىنشى دۇنيەجۇزىلىك سوعىس ۋاقىتىندا بۇل جەر ءولىم لاگەرىنە اينالدى. مۇندا 30 مىڭنان استام ادام - نەگىزىنەن ەۆرەيلەر مەن سىعاندار ءولتىرىلدى.
