اسقار مامين قازاق- وزبەك شەكاراسىنداعى كەدەن بەكەتتەرىن ارالاپ كوردى
- دەپ حابارلايدى قازاقپارات ح ا ا ءتىلشىسى.
ايتا كەتەيىك، دەلەگاتسيا قۇرامىندا ق ر قورعانىس جانە ايروعارىش ونەركاسىبى ءمينيسترى بەيبىت اتامقۇلوۆ، ق ر قارجى ءمينيسترى باقىت سۇلتانوۆ، ق ر سىرتقى ىستەر ءمينيسترىنىڭ ورىنباسارى عالىمجان قويشىبايەۆ، ق ر ۇلتتىق ەكونوميكا ۆيتسە- ءمينيسترى تيمۋر جاقسىلىقوۆ، ق ر ينۆەستيتسيالار جانە دامۋ ۆيتسە- ءمينيسترى رومان سكليار، ق ر قارجى مينيسترلىگىنىڭ مەملەكەتتىك كىرىستەر كوميتەتى ءتوراعاسىنىڭ ورىنباسارى گوسمان امرين بار. ساپار بارىسىندا جۇمىسشى توپ «ب. قونىسبايەۆ» اتىنداعى كەدەن بەكەتىن كورشىلەس وزبەكستان اۋماعىنا دەيىن كەڭەيتۋ ماسەلەسىن تالقىلادى. سونىمەن قاتار، ولار جۇكتەردى وڭدەۋ ۋاقىتى مەن ازاماتتاردىڭ شەكارادان ءوتۋ پروتسەسىن وڭتايلاندىرۋدى جانە وزبەكستان رەسپۋبليكاسىمەن ءوزارا ءتيىمدى ساۋدا - ەكونوميكالىق تاۋار اينالىمىن ارتتىرۋ مۇمكىندىگىن قاراستىرۋ جايىن ءسوز ەتتى.
وزبەكستانمەن اراداعى نەگىزگى كەدەن بەكەتتەرىنىڭ ءبىرى بولىپ تابىلاتىن «ب. قونىسبايەۆ» بەكەتى اۆتوكولىكتەردى وتكىزۋگە ارنالعان. اتالعان كەدەن بەكەتى ارقىلى ەۋرازيالىق ەكونوميكالىق وداق ەلدەرىنىڭ، الىس شەتەل (يران، تۇركيا) مەملەكەتتەرىنىڭ تاۋارلارى مەن كولىك قۇرالدارى وتەدى. ماسەلەن، وتكەن 2016 -جىلى وسى بەكەت ارقىلى 42 مىڭ جۇك كولىگى جانە 11 مىڭ جەڭىل اۆتوكولىك قۇرالدارى وتكەن.
ءىسساپار باراسىندا دەلەگاتسيا قۇرامى 2009 -جىلى قايتا جوندەۋدەن ءوتۋ كەزىندە سالىنعان «جىبەك جولى» بەكەتىندەگى جولاۋشىلار تەرمينالىنا باردى. زاماناۋي تەرمينالدىڭ پايدالانۋعا بەرىلۋى ونداعى جەكە تۇلعالاردى تاۋلىكتىك وتكىزۋ مۇمكىندىگىن 14 مىڭ ادامعا دەيىن جەتكىزۋگە مۇمكىندىك بەردى.
سونداي- اق، 2006 -جىلى وتكىزۋ قابىلەتىن ارتتىرۋ ماقساتىندا رەكونسترۋكسيالانعان «قاپلانبەك» كەدەن بەكەتى قىزمەتىنىڭ ايماعىندا اۋماعىن كەڭەيتۋدى تالاپ ەتەتىن كەلەس وزەنى ارقىلى وتەتىن كوپىر قارالدى. بۇگىنگى تاڭدا، وسى بەكەتتىڭ 28 مىڭنان استام جۇك جانە جەڭىل كولىك قۇرالدارىن، سونىمەن قاتار، شامامەن 2 مىڭعا جۋىق جەكە تۇلعالاردى وتكىزۋگە قابىلەتى بار.
ايتا كەتەيىك، 3 كەدەن بەكەتىنەن وتكەن 2016 -جىلى 6 ميلليوننان استام جەكە تۇلعا مەن 84 مىڭعا جۋىق جۇك جانە جەڭىل كولىك وتكەن.
اۆتور: اينۇر اقبايەۆا
