جىگىتتىڭ جان دۇنيەسى تۋرالى نە بىلەسىز؟
ءيا، سۇيكىمدى جاندار! ءبىزدىڭ دە ءوز جان دۇنيەمىز بار. «قوش بول!» دەگەن ءسوزدىڭ ەستىگەن كەزدە، ماحاببات وتىنا ورتەنىپ، جان دۇنيەمىز پارشا- پارشا بولادى. ەر ازاماتتاردىڭ سەزىمى - سۇيگەن جانىڭا ءۇنسىز جاقىنداپ كەلىپ، تىنىسى مەن تىنىستاس بولىپ، ەش سەبەپسىز قۇشاعىڭا الىپ، شەكسىز باقىتتى سەزىنۋ. جالعىزدىق - جالعاندى جابىقتىرادى. جىگىتتىڭ جان دۇنيەسىندە دە جالعىزدىقتان قورقىنىش ۇيالايتىن ساتتەر كەزىگەدى.
نازىكتىك اتاۋلىدان ادا بولعان ساتتە دەنەنى تىتىركەندىرەرلىكتەي، قاقساتىپ اۋىرتاتىنداي كۇي كەشتىرەدى. شىندىعىنا كەلگەندە، تاڭمەن تالاسىپ، ءبىر جاستىقتا سۇيگەنىمەن ويانۋ، تەڭدەسىز سۇلۋلىعىنا تامسانىپ، سۇلۋ ءجۇزىن بۇزىپ الۋعا قورىقىپ، وياتۋعا اسىقپاۋدىڭ ءوزى وزىنشە ءبىر سەزىم. ەر ازاماتتىڭ سەزىمى ءسىز ويلاعانداي ارزان دۇنيە ەمەس. ءسىز بىلەتىندەي كۇي كەشكەنىڭىزبەن، ەشتەڭەدەن حابارسىزسىز. ءيا، سۇلۋ جاندىلاردىڭ سەزىمىنە قاراعاندا ەركەك اتاۋلىنىڭ جان دۇنيەسى دە نازىك ءارى جارالى.
نازىك جاندىلارعا قاراعاندا ول ەكى ەسە ماحاببات پەن سەزىمگە تولى. تىنىشتىق ورناعان ساتتە، جان دۇنيەسىنىڭ پەرنەسىن تاۋىپ، تارتا بىلسەڭىز، ول وزىنشە اۋەزدى اۋەنمەن سايراپ قويا بەرەدى. ول ءوزى سۇيگەن جاندى، جان- تانىمەن ىنتىق ارۋعا قاي ساتتە، قاي ۋاقىتتا بولسا دا، كومەككە دايار ەكەنىن اشىق ءارى ايقىن جەتكىزە الادى. ونىڭ ءبىر عانا قالاۋى جۇمباق سەزىمىن سۇيگەن ارۋى تاپتاماي، قوقىس جاشىگىنەن تابىلارلىقتاي حالگە جەتكىزبەۋ. ەر ازاماتتار ءوز جان دۇنيەلەرىن قىزعىشتاي قورىپ، وزگەگە بىلدىرمەي، وزىنشە ءبىر كۇي كەشەدى. ولاردىڭ بۇل سەزىمىن كوپشىلىگى بىلە بەرمەيدى.
massaget.kz
