ايگىلى اسەت نايمانبايەۆتىڭ دومبىراسى تابىلدى

 وتكەن اپتادا اباي اتىنداعى وبلىستىق بالالار كىتاپحاناسىندا «ءان سالساڭ اسەتتەي سال اسەمدەتىپ» اتتى ادەبي- سازدى كەش ءوتتى. وندا بۇلدىرشىندەر اسەتتىڭ اندەرىن تىڭداپ، اقىن جايلى تىڭ دەرەكتەرگە قۇلاق ءتۇردى. مۇنداعى باستى جاڭالىق - كەش قوناعى، فيلولوگيا عىلىمدارىنىڭ كانديداتى ازات باباشەۆ جۇرتشىلىققا اسەت بابامىزدىڭ دومبىراسى تابىلعانىن بايان ەتتى، دەپ حابارلايدى ortalyq.kz

اسەت - دالانىڭ داڭعايىر داۋىلپازى. ۇلانعايىر دالانى انىمەن سۋسىنداتقان ءۇنپاز قۇرمەتىنە بالالار كىتاپحاناسى ارناۋلى كەش وتكىزىپ جاتقانى - كوڭىل كونشىتەدى. كەش بولعاندا، قانداي! اۋەلى ءانشىنىڭ «ءىنجۋ- مارجان» ءانىن مامانداندىرىلعان مۋزىكا مەكتەپ- ينتەرناتىنىڭ 12 - سىنىپ وقۋشىسى ديانا كوشەربايەۆا تامىلجىتىپ سالعاندا، ءبىر كوتەرىلىپ قالدىق. ودان كەيىن دە بىرنەشە ءانشى بالالار شىعىپ، اسەتتىڭ اندەرىن ورىندادى. اسىرەسە، شارا سالماعىن كەش قوناعى، فيلولوگيا عىلىمدارىنىڭ دوكتورى، «بولاشاق» اكادەمياسىنىڭ دوتسەنتى ازات باباشيەۆ ايتقان تىڭ دەرەكتەر ارتتىرا ءتۇستى.

"اسەت نايمانباي ۇلىنىڭ سوڭىندا قالعان مۇرالارى جەتەرلىك. بۇل كىسىنىڭ سۋىرىپ سالمالىعى جاي تاق- تاق اۋىزەكى سۋىرىپ سالمالىق ەمەس. ولەڭدەرىنىڭ، ايتىستارىنىڭ كوركەمدىك دەڭگەيى جوعارى، تانىمى تەرەڭ، اسا قۇندى دۇنيەلەر. جازبا پوەزياسىن بىلاي قويعاندا، سۋىرىپ سالمالىعىنىڭ جوعارى دەڭگەيدە قالىپتاسقانىنا دالەل - اسەت پەن رىسجاننىڭ جۇمباق ايتىسى. قارقارالىداعى قوياندى جارمەڭكەسىندە ايتىسقان ەكەۋى. بۇل بۇگىنگە دەيىن زەرتتەلىپ كەلە جاتقان تۋىندى. بىرەۋلەر مۇنى «جازىلعان دۇنيە، سۋىرىپ سالىپ ايتىسقاندا وسىنشالىق قابىلەتپەن رىسجاننىڭ ءدىني جۇمباعىنا جاۋاپ ايتىپ، ونى شەشۋ مۇمكىن ەمەس» دەيدى.

ءبىراق، اسەتتىڭ ءدىني ساۋاتى وتە جوعارى بولعان. مەدرەسەدە وقىعان. ەكىنشىدەن، اسەت شىعىس مادەنيەتى مەن ادەبيەتىنە جەتىك بولعان. وعان دالەل - «اعاش ات» ، «شەريزات» ، «ءساليحا- سامەن» دەگەن شىعىس حالىقتارىنىڭ ءومىر- تۇرمىسىنا قاتىستى داستاندارى بار.

2013 -جىلدارى قىتايداعى ىلە پەداگوگيكالىق ۋنيۆەرسيەتىنەن «بولاشاق» ۋنيۆەرسيتەتىنە نۇرجان داۋلەتكەلدى ۇلى كەلىپ، ماگيسترلىك ديسسەرتاتسيا قورعادى. ول قىتايداعى اسەت جىرلارىن جيناپ اكەلدى سوندا. قازىر قولجازبالار مەنىڭ قولىمدا. ونىڭ ىشىندە اسەتتىڭ ەشقايدا جاريالانباعان ولەڭدەرى بار. بيىل اسەتتىڭ جاريالانباعان شىعارمالارى حاقىندا باكالاۆر بويىنشا ديپلوم قورعاتۋدامىن. سول ستۋدەنت الگى قولجازبالاردى توتە جازۋدان كيريلليتساعا ءتۇسىرىپ جاتىر. ماسەلەن، ول ولەڭدەرىنىڭ اراسىندا جيىرمادان استام شۋماقتان تۇراتىن «الاشقا» دەگەن شىعارماسى بار. ولەڭ الاش ارىستارى قىتايعا بارعاندا تۋعان. اقىن وندا مەكتەپ اشۋ ماسەلەسىن ايتقان. قازىر قىتايداعى زەرتتەۋشى عالىمداردىڭ ايتۋىنشا، سول جاقتا اسەتتىڭ ىقپالىمەن مەكتەپتەر اشىلعان. ءبىز بۇل جاقتا ابايدى ۇلى اقىن دەپ باعالاساق، قىتايداعى قازاقتار ابايدىڭ باعاسىن بىلە بەرمەيدى. ول جاقتاعى قازاقتار ءۇشىن ءبىرىنشى كەزەكتە تۇرعان باس اقىن - اسەت نايمانباي ۇلى. سونىمەن قاتار، سول قىتايداعى قازاقتار اراسىنداعى ەربول دەگەن جىگىتتە اسەتتىڭ ءوزى ۇستاعان دومبىراسى ساقتالىپ وتىر. ونى قازاقستاننان ءۇش جىگىت ارنايى ىزدەپ باردىق. كورسەتپەي ءبىراز قينادى. ءبىز جاعدايىمىزدى ايتىپ، ءوتىنىپ سۇراعان سوڭ ءبىر- اق كورسەتتى.

ءبىراق، «اسەتتىڭ دومبىراسى بار ەكەنىن قازاقستاندا كوپ جاريالاماڭىزدار» دەگەن شارت قويدى.

قازاقستاننان بارعان ءۇش ازامات - ءبىز ونى ءوتىنىپ ءجۇرىپ، زورعا دەگەندە سۋرەتكە ءتۇسىرىپ الدىق.

جانىبەك ءاليمان

سۋرەتتە: اسەتتىڭ دومبىراسىمەن

ازات باباشەۆ، ايتۋعان مۇقاشيەۆ

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى