اقشانىڭ ءبىرشاما بولىگى شەتەلدىك جۇمىسكەرلەرگە كەتىپ جاتىر - قىرىمبەك كوشەربايەۆ
سەبەبى وعان كورشى ەلدەردەن كەلگەن ەڭبەك ميگرانتتارى دا قاتىسىپ، اقشا الىپ ءجۇر، دەپ حابارلايدى قازاقپارات ءتىلشىسى.
«مەنىڭشە، ەڭبەك ميگرانتتارىنا قاتىستى تالاپتاردى كۇشەيتۋ كەرەك. قازاقستان ازاماتتارىنا ءبىرىنشى كەزەكتە كوڭىل بولگەن ءجون. سەبەبى جۇمىسپەن قامتۋ شارالارى الدىمەن ءوز ازاماتتارىمىزدى ەڭبەكپەن قامتامسىز ەتۋ ءۇشىن قولعا الىندى. ەندى، بىزدە (وبلىستا - اۆت) جالاقىنىڭ كولەمى ۇلكەن ەمەس، 40-50 مىڭداي. گاستابايتەرلەر كەلىپ، ول اقشانى الىپ جۇرەدى. ال ونداي ازاماتتار ءوز ۇيلەرىنە، وزبەكستان، تاجىكستان مەن قىرعىزستانعا بانكتەر ارقىلى قانشا اقشا جىبەرىپ وتىرادى؟ وسىنى ءالى دە تەكسەرۋ كەرەك. ايتپەسە، ەرتەڭ مەملەكەتتىك باعدارلامالاردىڭ ارقاسىندا گاستاربايتەرلەردى اسىراپ وتىرعان بولىپ شىعامىز»، - دەيدى كوشەربايەۆ.
اكىمنىڭ ايتۋىنشا، الداعى ۋاقىتتا مەملەكەتتىك قولداۋ شارالارى اياسىنداعى قارجىنى ۇلعايتۋ قاجەت. سەبەبى قازىرگى 40-50 مىڭ تەڭگە تىم از بولىپ تۇر.
ايتا كەتەيىك، بۇگىن استاناداعى قازمەديا ورتالىعىندا قىزىلوردا وبلىسىنىڭ اكىمى قىرىمبەك كوشەربايەۆپەن بەيرەسمي كەزدەسۋ ءوتتى. سول جەردە وبلىستىڭ الەۋمەتتىك- ەكونوميكالىق ماسەلەلەرى تالقىلانىپ، الداعى جوسپارلار پىسىقتالدى. سونداي-اق وبلىس اكىمى ميللياردتاعان اقشاسى ۇرلانعان شىنى زاۋىتىن ىسكە قوسۋ مەرزىمىن اتادى.
