قازاق فۋتبولىنىڭ ارداگەرى سەيىتجان بايشاقوۆ ومىردەن وزدى

60-جىلدارداعى ايگىلى فۋتبولشى، قازاق اياقدوبىنىڭ ارداگەرى ۇزاق اۋرۋدان كەيىن قايتىس بولدى. «ەگدە بۋىن سەيىتجان بەرىكباي ۇلىنىڭ شەبەرلىگىنە، سوققان گولدارىنا ءتانتى بولاتىن. فۋتبول جانكۇيەرلەرى ونى ءتىپتى ك س ر و- نىڭ اتاقتى فۋتبولشىسى ەدۋارد سترەلتسوۆپەن سالىستىردى. وكىنىشكە قاراي، سەيىتجان بەرىكباي ۇلى ءوز بويىنداعى تالانتىن تولىقتاي جۇزەگە اسىرا الماعان سەكىلدى. بۇل تۇرعىدا، قازاق سپورت جۋرناليستيكاسىنىڭ ارداگەرى سايىن تۇرسىنوۆ اعامىز «ءار ءتۇرلى سەبەپتەرمەن سەيىتجان ءوز قابىلەتى مەن الەۋەتىنىڭ جارتىسىن دا جۇزەگە اسىرا المادى» دەپ وكىنىپ وتىراتىن.

ك س ر و قۇراماسى ساپىنا شاقىرتىلعانىن دا تالاي رەت جىرلاپ بەرگەن... ءارى سەيىتجان بايشاقوۆتىڭ الماتىنىڭ ورتالىق ستاديوندا ماسكەۋ كلۋبتارى ساپىندا وينايتىن ك س ر و قۇراماسىنىڭ قورعاۋشىلارىن قالاي الداپ وتكەندەرىن سۇيسىنە ايتىپ وتىراتىن. 60-جىلدارداعى جانكۇيەرلەردىڭ ءبىرازىنا سەيتجان بايشاقوۆتاي شابۋىلشى جوق بولاتىن»، - دەپ جازادى استانا فۋتبول فەدەراتسياسى.

قازىرگى قازاقستان فۋتبول فەدەراتسياسىنىڭ پرەزيدەنتى، 1978 -جىلعى الەم چەمپيوناتىنىڭ ەلەكتىك دوداسىندا ك س ر و قۇراماسى ساپىندا ەكى ويىن وتكىزگەن، داڭقتى قورعاۋشىمىز سەيىلدا بايشاقوۆ تا نەمەرە اعاسىنىڭ جامبىل جاستارى ۇلگى تۇتار تۇلعا بولعانىن ايتادى: «اعام سەيىتجان جامبىلدىڭ «مەتالليست» كومانداسى ساپىندا ويناپ، شابۋىل شەبىندە ونەر كورسەتتى.

ال 1967 -جىلى ونى «قايرات» شاقىردى. سول جىلدارى سەيىتجان بايشاقوۆ جالعىز مەنىڭ عانا ەمەس، مىڭداعان جامبىلدىق جەتكىنشەكتەر ۇلگى تۇتار فۋتبولشىسى بولدى. وسىدان كەيىن مەنىڭ دە ارمانىم - «قايراتتىڭ» جەيدەسىن كيۋ بولدى»، - دەيدى ول. قازاقستان فۋتبول فەدەراتسياسىنىڭ ۇجىمى ك س ر و سپورت شەبەرى، قازاق فۋتبولىنىڭ ارداگەرى سەيىتجان بەرىكباي ۇلى بايشاقوۆتىڭ قايتىس بولۋىنا بايلانىستى ونىڭ تۋىستارى مەن جاقىندارىنا كوڭىل ايتتى.

فوتو ءالىم اناپيانوۆتىڭ جەكە مۇراعاتىنان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى