سيريا ماسەلەسىن رەتتەۋ كەلىسسوزدەرىنە قاتىسۋشى تاراپتار ورتاق زاڭ ازىرلەۋگە قارسى ەمەس
بۇل تۋرالى استانا كەلىسسوزدەرىنىڭ قورىتىندىسىندا وتكەن باسپا ءسوز ءماسليحاتىندا ر ف پرەزيدەنتىنىڭ سيريا جونىندەگى ارناۋلى وكىلى الەكساندر لاۆرەنەۆ ءمالىم ەتتى، دەپ حابارلايدى قازاقپارات.
«تاراپتاردىڭ ەشقايسىسى دا كونستيتۋتسيا ازىرلەۋ بويىنشا جۇمىس توبىن قۇرۋ نەمەسە كونستيتۋتسيالىق رەفورمانى ىسكە قوسۋ قاجەتتىلىگى تۋرالى ۇسىنىسقا قارسى بولعان جوق»، - دەدى لاۆرەنتەۆ. سونىمەن قاتار ول رەسەي، تۇركيا جانە يران كونسۋلتاتسيالارى سوعىس قيمىلدارىن توقتاتۋ رەجىمىن مونيتورينگىلەۋ جونىندەگى بىرلەسكەن جۇمىس توبى تۋرالى ناقتى ەرەجەنى بەكىتۋگە ازىرلەۋگە مۇمكىندىك بەرگەنىن باسا ايتتى.
«بۇل پروتسەسسكە قاتىسۋدى ويلانىپ وتىرعان وزگە دە وپپوزيتسيالىق توپتار ءۇشىن وتە جاقسى بەلگى. ولار سيرياارالىق ديالوگ بارىسىندا ىمىرا شەشىم ىزدەۋگە قاتىسۋعا كەلىسىمدەرىن بەرەدى دەپ ۇمىتتەنەمىز»، - دەپ اتاپ ءوتتى ول.
اۆتور: مارلان جيەمباي
