اقتاۋدا كاسپيي بەتىندە ءجۇزۋ تۋرى اشىلادى

ءبىر ساعاتتىق سەرۋەننىڭ قۇنى 1 مىڭ تەڭگە شاماسىندا، دەپ حابارلايدى «قازاقپارات» ح ا ا ءتىلشىسى.

وسى قىزمەت ءتۇرى ءۇشىن استراحان قالاسىندا 35-40 ادامدىق ارنايى 2 كاتاماران قايىق جاسالۋدا.

«بۇل جوبانى «تۋريزم» باعدارلاماسى بويىنشا ەكىنشى دەڭگەيلى بانكتەن «دامۋ» قورى ارقىلى جىلىنا 7,8 پايىزدىق جارناسى سۋبسيديالانعان 80 ميلليون تەڭگەمەن قارجىلاندىرىلدى. سونداي- اق، وعان ءبىز كەپىلدىك بەردىك»، - دەپ اتاپ ءوتتى «دامۋ» قورى» ا ق ماڭعىستاۋ وبلىستىق بولىمشەسىنىڭ مەنەدجەرى اباي مومبەكوۆ.

«كاتاماراننىڭ قۇرىلىسى ءۇشىن 80 ميلليون تەڭگە، ياعني بەرىلگەن نەسيەنىڭ سوماسى جۇمسالادى. الايدا، ينفراقۇرىلىم سالۋىمىز كەرەك، سونداي- اق تۇراق پەن قىزمەت كورسەتۋ جاساۋىمىز قاجەت. تۇراقتى 14 مولتەك اۋدانعا قارسى بەتتەگى جاعالاۋدا تۇرعىزعىمىز كەلەدى.

 بۇدان بولەك، «ستيگل» مەن «دوستار» جازعى دەمالىس بازاسى بۇرىنعى قايىق تۇراقتارىن قولدانۋعا ۇسىنىس جاسادى. بۇلاردىڭ بارلىعى بيزنەس- جوسپاردا كورسەتىلگەن. سول سەبەپتى قوسىمشا قارجىلاندىرۋ ماسەلەسى قاراستىرىلۋدا جانە «دامۋ» قورى بۇل جولى دا قول ۇشىن بەرەدى دەپ ۇمىتتەنەمىن»، - دەيدى «گۋنا- اقتاۋ» ج ش س ديرەكتورى ناتاليا ۆوروجەيكينا.

ول سەرۋەندەۋ ماۋسىمىن مامىر ايىندا باستاماقشى، سوندىقتان كاتامارانداردىڭ قۇرىلىسى ءساۋىر ايىندا اياقتالۋى ءتيىس.

«دامۋ» قورى ارقىلى ءبىر جىلدا 6547 ميلليون تەڭگەلىك 127 جوبا سۋبسيديالاندىرىلدى. نەسيەلەردىڭ جالپى سوماسى 6,8 ميلليارد تەڭگەنى قۇرايدى. 770 ميلليون تەڭگەگە 56 كەپىلدەمە بەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى