جاپونيا رەسەيدىڭ داۋلى ارالدارعا اتاۋ بەرگەنىنە قارسى
«بۇل قۇپتامايتىن جايت جانە ول جاپونيانىڭ ۇستانىمىنا قايشى. ءبىز رەسەيگە ديپلوماتيالىق ارنالار ارقىلى قارسىلىق نوتاسىن جولدادىق «جاپونيا ۇكىمەتىنىڭ حاتشىسى ەسيحيدە سۋگا 14 - اقپاندا وتكەن باسپا ءسوز كونفەرەنسياسىندا. رەسمي توكيو بۇل ارالداردى ءوزىنىڭ سولتۇستىك تەرريتورياسى سانايدى.
رەسەي پرەمەر- ءمينيسترى دميتري مەدۆەديەۆ وتكەن اپتادا بەس ارالعا اتاۋ بەرگەن. ت ا س س اگەنتتىگى ارالدار 1945 -جىلى جاپونيانىڭ كاپيتۋلياتسيا بولعانى تۋرالى اكتىگە قول قويعان گەنەرال كۋزما دەريەۆيانكو، 1945 -جىلى كۋريل ارالدارىندا دەسانت وپەراتسياسىن باسقارعان گەنەرال الەكسەي گنەچكو، 1957-1985 -جىلدارى س س س ر سىرتقى ىستەر ءمينيسترى بولعان سوۆەت ديپلوماتى اندرەي گرومىكو، ساحالينسك وبلىسىنىڭ بۇرىنعى گۋبەرناتورى يگور فارحۋتدينوۆ جانە الىس قاشىقتىققا جۇزەتىن كەمەنىڭ العاشقى ايەل كاپيتانى اننا شەتينينانىڭ اتىمەن اتالعانىن حابارلاعان.
سوۆەت اسكەرى ارالدار تىزبەگىن 1945 -جىلى جاپونيا كاپيتۋلياتسيا بولعان سوڭ باسىپ العان. تەرريتوريالىق داۋدان ەكى ەل سوعىستان كەيىنگى بەيبىت كەلىسىمگە قول قويۋدان باس تارتىپ وتىر. جاپونيا داۋدى رەسەيمەن باستالعان كەلىسسوز ارقىلى شەشۋگە تالپىنىپ جاتىر. ەسيحيدە سۋگا وقيعانىڭ بۇل كەلىسسوزگە ىقپال ەتپەيتىنىن ايتادى.
«ازاتتىق» جاڭالىقتارى
