مۇحتار التىنبايەۆ: جۇمىسشىلارعا اسكەري كيىمدى كيۋگە تىيىم سالۋ كەرەك

دەپ حابارلايدى قازاقپارات.

سەناتور ءوز سوزىندە اسكەريلەرمەن كەزدەسۋ بارىسىندا ايتىلعان كەيبىر ماسەلەلەرگە توقتالدى.

 «ساربازداردىڭ كيىمدەرىن، ياعني كامۋفلياج كيىمدەردى اسكەري سالادا ىستەمەيتىن ادامداردىڭ كيگەنى دۇرىس ەمەستىگى تۋرالى ماسەلە كوتەرىلدى. بۇل تاقىرىپ بۇرىننان بەرى تالقىلانىپ كەلەدى. الدا ەكسپو كەلە جاتىر. قالا كوشەلەرىندە اۋلا سىپىرۋشىلارى، كۇزەتشىلەر جانە باسقا جۇمىسشىلار ارى قاراي دا اسكەريلەر كيىمىمەن جۇرە بەرسە، وندا شەتەلدەن كەلگەن مەيماندار اسكەر قاتارىنداعى ساربازدار كوشە تازالاپ ءجۇر دەگەن ويعا كەلۋى مۇمكىن»، - دەپ توقتالدى م. التىنبايەۆ.

ونىڭ پىكىرىنشە، اسكەري كيىمدى وسى سالادا قىزمەت ەتەتىندەر عانا كيگەنى دۇرىس، ال قالعاندارىنا ءتيىستى شەكتەۋ بولۋى ءتيىس.

ءوز كەزەگىندە دەپۋتات داريعا نازاربايەۆا اسكەري كيىمدەر كوبىنەسە ىڭعايلى ءارى جىلى بولعاندىقتان، ادامدار ونى ساتىپ الاتىنىن اتاپ ءوتتى. «ءدال وسى ماتامەن جانە ساپامەن وزگە ءتۇس تۇرلەرىن ىرىكتەي وتىرىپ، اسكەري ەمەس ادامدارعا ارنالعان مۇنداي كيىمدەردى تىگۋدىڭ باسقا جەلىسىن قۇرۋدى ويلاستىرۋ كەرەك شىعار. سوندىقتان دالادا كوپ جۇمىس ىستەيتىن ادامدار ءۇشىن ارنايى جىلى كيىمدەردى تىگۋدى قاراستىرعان ءجون بولار»، - دەدى د. نازاربايەۆا.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى