قىتايلىق «قالىڭدىقتار» ديماشتىڭ ساحنادان تىس ءومىرى جايلى ۆيدەو جاريالادى -كەسكىن، فوتو
«ءومىر كينو سياقتى» اتتى ەكى مينۋتتىق فيلمدە ديماشتىڭ بايقاۋدا ءان ايتقان ساتتەرى، ساحنا سىرتىنداعى ءومىرى: فوتوسەسسيا، قوناق ءۇي نومىرىنەن، گريمەر بولمەسىندەگى، سونداي-اق ونىڭ قىتاي ءتىلىن قالاي ۇيرەنىپ جاتقان كادرلارى كورسەتىلەدى.
قىتايلىق الەۋمەتتىك جەلىلەردە، ب ا ق- تا قازاقستاندىق ءانشىنىڭ ساحنا سىرتىنداعى ومىرىنەن فوتولار جاريالاندى. ەسكە سالساق، قىتايدا «ingerS» بايقاۋىنا قاتىسىپ جاتقان ديماش قۇدايبەرگەن ەكى اپتا بويى اسپان استى ەلىندەگى 10 ەڭ اتاقتى جۇلدىزدار (انشىلەر عانا ەمەس، باسقا دا اكتەرلەر، جۇرگىزۋشىلەر جانە ت. ب) رەيتينگىن باستادى.
وندا ونىڭ ەسىمىن ينتەرنەتتە ءجيى ىزدەۋ، ول جايلى مالىمەت ىزدەۋ، ۆيدەوسىن كورۋ، تەليەۆيزيالىق رەيتينگىن ەسەپكە الادى. ديماش قۇدايبەرگەننىڭ قىتايداعى سەنساتسيالىق تانىمالدىلىعى تۋرالى مىسال كەلتىرسەك، قىتايداعى جانكۇيەرلەردىڭ ءبىرى قۇمدى انيماتسيا ادىسىمەن تۇسىرگەن ۆيدەوروليكتى ءبىر اپتادان از ۋاقىتتا 5 ميلليوننان استام ادام تاماشالاعان.
فاناتتارى وعان سەزىمدەرىن ءبىلدىرىپ، ءتۇرلى حاتتار جازىپ، سىيلىقتار جولداۋدا. ونى اۋەجايدا، قوناق ءۇيدىڭ الدىندا اڭدىپ جۇرەدى. بويجەتكەندەر الەۋمەتتىك جەلىدە كوپتەگەن فان-ارتتار مەن سۇيىكتى ورىنداۋشىسىنىڭ قۇرمەتىنە ءتۇرلى كورسەتىلىمدەر جاريالاۋدا.
بۇگىن، استانا ۋاقىتى بويىنشا 20.30-دا Hunan.TV تەلەارناسىنىڭ ەفيرىنە ءتورتىنشى تۋردىڭ جازباسى كورسەتىلەدى. وندا ديماش قۇدايبەرگەنوۆ «كۇزگى مۇڭ» ءانىن قىتاي تىلىندە اكتسەنتسىز ورىنداپ، ءۇشىنشى ورىندى يەلەنگەن.
كەلەسى كەزەڭ حۋنان تەلەارناسىندا 18- اقپاندا كورسەتىلەدى. ءبىراق «Uptown Funk» ءانىن ورىنداعان قازاقستاندىق ورىنداۋشىنىڭ 5- ورىن العانى بەلگىلى، ول مۋزىكالىق جارىستىڭ كەلەسى تۋرىنا ءوتتى.
