ۋنيۆەرسيادا جۇلدەگەرى رينات مۋحيننىڭ باپكەرلەرىنە پاتەر بەرىلدى - فوتو

ريناتتى ونىڭ اتا- اناسى - شاڭعى جارىسىنان جوعارى ساناتتاعى باپكەرلەر الەكساندر مەن ساۋلە مۋحينالار جاتتىقتىرادى. ولارعا س ق و اكىمى ەرىك سۇلتانوۆ 3 بولمەلى پاتەردىڭ كىلتىن تابىس ەتتى.





رينات مۋحين ءوڭىر باسشىسىنىڭ العىس حاتىمەن جانە قارجىلاي سىياقىمەن ماراپاتتالدى. 28- قىسقى ۋنيۆەرسيادادا سولتۇستىك قازاقستان وبلىسىنىڭ نامىسىن كونكيشى رومان كرەچ، تاتيانا كليمچۋك، يۆان ارجاننيكوۆ، فەدور اندرەيەۆ، سۆەتلانا مالتسەۆا، شاڭعىشى رينات مۋحين مەن كەرلينگتەن ق ر قۇراماسىنىڭ مۇشەسى دميتري گاراگۋل قورعادى. سايىس ناتيجەسى بويىنشا كونكيشى رومان كرەچ 500 مەترلىك قاشىقتىقتا جەتىنشى ورىندى الىپ، 1000 مەترلىك قاشىقتىقتىڭ قورىتىندىسىندا سەگىزىنشى ورىندى يەلەندى. تاتيانا كليمچۋك 5000 مەتر، 3 شاقىرىم ديستانسيانى بەسىنشى بولىپ اياقتاپ، ۇزدىك وندىققا ىلىكتى.



بىرنەشە كۇننەن كەيىن جاپونيانىڭ ساپپورو قالاسىندا 8- ازيا ويىندارى باستالادى. وعان س ق و- دان كونكيشى رومان كرەچ، دميتري بابەنكو، ەلەنا ۋرۆانسەۆا، تاتيانا كليمچۋك جانە شاڭعىشى رينات مۋحين قاتىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى