ينتەرنەتتە «جالاڭاش» فوتونى تاراتۋعا قانداي جاۋاپكەرشىلىك قاراستىرىلعان
ق ر ىشكى ىستەر مينيسترلىگى «قازاقپارات» ءتىلشىسىنىڭ رەسمي ساۋالىنا بەرگەن جاۋابىندا اتاپ كورسەتكەنىندەي، بۇل - فوتونى كىم تاراتقانىنا بايلانىستى. ءوزىنىڭ «جالاڭاش» سۋرەتتەرىن جەلىگە سالۋ قازاقستاندا 10 ا ە ك كولەمىندە ايىپپۇل نەمەسە 10 تاۋلىككە دەيىن قاماۋعا الۋ جازاسىنا الىپ كەلۋى ىقتيمال. ەگەر ول ءبىر جىلدا ەكىنشى مارتە قايتالانسا، بۇزاقى 15 تاۋلىككە قامالادى. دەگەنمەن اكىمشىلىك قاماۋعا ىلىكپەيتىن ازاماتتار ساناتى دا بار.
ولار: 14 جاسقا دەيىنگى بالانى تاربيەلەپ وتىرعان ايەلدەر، 18 جاسقا دەيىنگى بالالار، 1 جانە 2 توپتاعى مۇگەدەكتەر، سونىمەن قاتار 58 جاسقا دەيىنگى ايەلدەر مەن 63 جاسقا دەيىنگى ەرلەر. ەگەر فوتوسۋرەتتى وزگە ازامات سالعان بولسا، وعان 5 جىلعا دەيىن باس بوستاندىعىنان ايىرۋ جانە 2 دەن 5 جىلعا دەيىن بەلگىلى لاۋازىمدىق قىزمەت جانە بەلگىلى ءبىر قىزمەت تۇرلەرىمەن اينالىسۋعا تىيىم سالىنادى.
ەگەر فوتوسۋرەت ءوزىنىڭ قىزمەتتىك بابىن پايدالانۋ ارقىلى نەمەسە پايدا كورۋ ماقساتىندا ارنايى قۇرىلعىلاردىڭ ارقاسىندا الىنعان بولسا، قىلمىستىق جاۋاپكەرشىلىك قاراستىرىلعان (ق ر قىلمىستىق كودەكسىنىڭ 147-بابى).
ەسكە سالا كەتەيىك، جاقىندا استانادا كولىگىنىڭ جانىندا جالاڭاش تۇسكەن فوتوسۋرەتىن جەلىگە سالىپ جىبەرگەن جەرگىلىكتى ازاماتشاعا 22690 تەڭگە ايىپپۇل سالىندى. سوت ونىڭ قىلىعىن قوعامدىق ءتارتىپتى بۇزۋ دەپ باعالاپ، ونى جازىقتى دەپ تاپتى. قىزدىڭ ءوزى بولسا، فوتونى ونىڭ جىگىتى بايقاۋسىزدا تاراتىپ جىبەرگەنىن ايتقان بولاتىن.
