شىمكەنتتە تانىستارىن توسەك ارقىلى بوپسالايتىندار كوبەيىپ كەتتى

سونداي وقيعالاردىڭ ءبىرى و ق و- دا ورىن الدى. بۇل تۋرالى tvk-uko.kz باسىلىمىنا سىلتەمە جاساپ NUR. KZ حابارلايدى.

قاڭتار ايىندا سارىاعاش اۋدانىنىڭ 31 جاستاعى تۇرعىنى ورازالى بىلتىر تامىز ايىندا ءبىر كەلىنشەكپەن تانىسىپ، ولاردىڭ قارىم- قاتىناسى جاقىنداي تۇسەدى. ورازالىمەن قوناقۇيگە بارىپ، كەزدەسىپ جۇرگەن ايەل ونىڭ ارام ويىن كەيىننەن ءبىر- اق تۇسىنگەن.

ەر ادام وعان قوناق ۇيدەگى ارەكەتتەرىن ۆيدەوعا ءتۇسىرىپ العانىن جانە 10 ميلليون تەڭگە بەرمەسە، جەلىگە سالاتىنىن ايتىپ قورقىتقان. ءبىراق ايەل دەر كەزىندە پوليتسياعا حابارلاسىپ، ول قاماۋعا الىنادى. سوتتالىپ كەتكەن بەس بالانىڭ اكەسى ورازالى سوت ۇكىمىن ەستىپ، كوز جاسىن توقتاتا المادى.

شىمكەنتتە 30 جاستاعى كەلىنشەك تە ەگدە جاستاعى ەر ادامدى بوپسالاپ، ودان 100 مىڭ دوللار تالاپ ەتكەن. ايەل قولىندا بار كومپروماتتىق ماتەريالداردى پايدالانىپ، ەر ادامنان اقشا تالاپ ەتكەن.

2016 -جىلدىڭ قازان ايىندا 57 جاستاعى جابىرلەنۋشى پوليتسياعا شاعىمدانىپ، ول ايەلدىڭ ورتاق تانىسى ەكەنىن ايتادى. 1987 -جىلى تۋعان كەلىنشەكتى پوليتسيا قىزمەتكەرلەرى اقشا الىپ جاتقان جەرىنەن ۇستاعان.

بۇگىندە سوتقا دەيىنگى تەرگەۋ جۇمىستارى جۇرگىزىلۋدە. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى