بۇگىن ۋنيۆەرسيادادا جۇلدە العان جەرلەستەرىمىز كورەيادا سىنعا تۇسەدى

الاتاۋ بوكتەرىندە وتكەن 28- قىسقى ۋنيۆەرسيادا ويىندارىندا قازاقستاندىق فريستايل-اكروباتشىلار وزدەرىنىڭ باسەكەگە قابىلەتتى ەكەندەرىن دالەلدەپ، 1 التىن، 1 كۇمىس جانە 1 قولا مەدال ەنشىلەدى.

بۇگىن سپورتتىڭ بۇل تۇرىنەن ۇلتتىق قۇراما كورەيا ەلىندە وتەتىن بۋگۆان فەنيكس پاركتا الەم كۋبوگىنىڭ كەزەڭىنە قاتىسادى. بۇل سايىستا قىزدار اراسىندا ەل نامىسىن جانبوتا الدابەرگەنوۆا، جىبەك اراپبايەۆا، اقمارجان قالمۇرزايەۆا، مارجان اقجىگىت، ەرلەر اراسىندا باعلان ىڭكاربەك، يلدار بادرۋتدينوۆ، ليم دميتري جانە زامانبەك اقجول قورعايدى.

ەستەرىڭىزگە سالا كەتەيىك، قىسقى وليمپيادا ويىندارى كەلەسى جىلى كورەيا ەلىندە وتەدى. سول ءۇشىن بۇل ەلدە وتكەن ءاربىر جارىس ءبىزدىڭ سپورتشىلار ءۇشىن اسا ماڭىزدى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى