جانات جاقيانوۆ قارسىلاسىمەن بەتپە-بەت كەزدەستى

قازاق بوكسشىسىنىڭ قاتىسۋىمەن وتەتىن جەكپە-جەك كەشى جەرگىلىكتى ۋاقىتپەن 10- اقپان كۇنى تولەدو قالاسىندا (ا ق ش، وگايو شتاتى) وتەدى.

جەرلەسىمىزدىڭ قارسىلاسى 29 جاستاعى امەريكالىق بوكسشى. ەسىمى - ۋوررەن. ول جەڭىل سالماقتاعى WBA (Super) جانە IBO تۇجىرىمدارى بويىنشا چەمپيوندىق بەلبەۋلەرىن تىكسە، 33 جاستاعى جاقيانوۆ WBA تۇجىرىمىنىڭ بەلبەۋىن قويىپ وتىر.

قوس بوكسشى جەكپە-جەك الدىنداعى باسپا ءسوز وتىرىسىندا كەزدەسىپ، ءبىر-بىرىنە سۇزە قاراستى. ەرتەڭ قوس بوكسشى اراسىنداعى ناعىز مىقتىلار انىقتالادى.

ايتا كەتەيىك، ۋوررەنگە قارسى كەزدەسۋ جاقيانوۆتىڭ اقش جەرىندە وتكىزەيىن دەپ جاتقان ءبىرىنشى جەكپە-جەگى. بۇعان دەيىن وتانداسىمىز قازاقستان، موناكو، بولگاريا، اۆستراليا، بەلارۋس، انگليا، سولتۇستىك يرلانديا، گونكونگ، شۆەيتساريا، وزبەكستان، تايلاند جانە رەسەي ەلدەرىندە جۇدىرىقتاسقان بولاتىن.

جانات جاقيانوۆ تۋرالى جالپى ماعۇلمات:

تولىق ەسىمى: جانات ەسكەندىر ۇلى جاقيانوۆ

لاقاپ اتى: ZZ

ازاماتتىعى: قازاقستان

تۋعان كۇنى: 4 قاراشا 1983 (33 جاس)

تۋعان جەرى: پەتروپاۆل

تۇرعىلىقتى جەرى: پەتروپاۆل

سالماعى: اسا جەڭىل سالماق (53,5 كەلى)

تۇرىسى: وڭقاي

بويى: 170 س م

قولدىڭ قارقىنى: 170 س م

باپكەرى: ريككي حاتتون

كومانداسى: Hatton promotions

چەمپيون بەلدىگى: EBU، WBA interim

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى