رەسەيدە كىسى ولتىرگەن قىلمىسكەر قازاقستاندا التى جىل جاسىرىنىپ جۇرگەن
بۇل تۋرالى megatyumen.ru حابارلايدى. پوليتسەيلەر 45 جاستاعى تۇمەن وبلىسى تۇرعىنىنىڭ ۇستىنەن قوزعالعان قىلمىستىق ءىستىڭ تەرگەۋ جۇمىستارىن اياقتاعان.
وعان ايىپ سىرتتاي تاعىلعان. تەرگەۋ انىقتاعانداي، 2010-جىلى شىلدە ايىندا، ول بۇرىنعى ايەلىمەن بىرگە تۇرىپ جاتقان ازاماتتى ولتىرگەن. ول ۋپوروۆو اۋىلىندا ورنالاسقان ۇيگە كىرىپ، ۇيىقتاپ جاتقان ازاماتتىڭ باسىنان دوعال زاتپەن بىرنەشە رەت ۇرعان. الىنعان جاراقاتتىڭ سالدارىنان ەر كىسى كوز جۇمادى.
كۇدىكتى وقيعا ورنىنان ءىزىن سۋىتادى. كەيىننەن تۇمەن وبلىسىنان مۇلدەم قاشىپ كەتەدى. تۇمەن وبلىستىق تەرگەۋ كوميتەتى حابارلاعانداي، جەتكىلىكتى دالەلدەمەلەر جينالعان. ايىپتاۋدى بەكىتۋ ماقساتىندا قىلمىستىق ءىس پروكۋرورعا جىبەرىلدى، كەيىننەن سوتقا وتەدى.
