ديماشتىڭ قىتايلىق جانكۇيەر قىزداردان قاشىپ بارا جاتقان ۆيدەوسى جاريالاندى - كەسكىن

بەينەجازبا ديماشتىڭ كەزەكتى تۇسىرىلىمگە بارعان كەزدەگى، شاڭشا قالاسىنىڭ اۋەجايىندا تۇسىرىلگەنى بەلگىلى بولدى. وندا، ءوزىنىڭ كەلۋىن اسىعا كۇتكەن جانكۇيەرلەردىڭ كوپتىگىنەن ساسقان ديماشتىڭ قاشا جونەلگەنىن بايقاۋعا بولادى. الايدا فاناتتارى ونى الىسقا جىبەرمەدى. قاشىپ قۇتىلماسىن بىلگەن ديماش جىلى جىميىپ، ولارمەن سۋرەتكە تۇسۋگە ءماجبۇر بولدى.

«ەرەكشە قورقىنىشتى. وزىمشە، ديماشتىڭ جانىنا بارىپ ونى قورعاعىم كەلدى. الايدا جاقىنداي المادىم. اعامدى قورعاي الماعانىما كەشىرىم سۇرايمىن»، - دەپ جازادى ۆيدەونى جەلىگە جۇكتەگەن ءانشىنىڭ جانكۇيەرى.

سونىمەن بىرگە جەلى قولدانۋشىلارى جانكۇيەرلەردى ءتارتىپتى بولۋعا شاقىرىپ وتىر. «ونىڭ دەنساۋلىعىنا كەسىرىمىز تيمەسىن! مادەنيەتتى بولايىق»، «فوتوعا تۇسىرگەندە، تەلەفوننىڭ جارىعىن وشىرىڭىزدەرشى، ديماشتىڭ كوزىنە اسەر ەتەدى»، - دەپ جازادى پىكىر قالدىرۋشىلار. كەيبىرى بايقاۋدى ۇيىمداستىرۋشىلارعا سىن ايتىپ، جانكۇيەرلەر اراسىندا ديماشتى قورعايتىن توپ قۇرۋدى ۇسىنعان.

اۆتور: ريزابەك نۇسىپبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى