نۇرسۇلتان نازاربايەۆ سۇلتانوۆقا: ءۇشىنشى ەسكەرتۋ جامان بولادى
«ءبىر مارتە مەملەكەت قارجىسىن ءتيىمدى پايدالانۋ جولىن ىزدەۋ قاجەتتىگىن ايتقان ەدىم. ەندى مىنە ەكىنشى ەسكەرتۋ بەرىپ وتىرمىن. بايقا، ءۇشىنشىسى ساعان جامان بولادى»، - دەپ ەسكەرتتى ەلباسى بۇگىن ۇكىمەتتىڭ كەڭەيتىلگەن ءماجىلىسى بارىسىندا مينيسترگە.
«ءبىزدىڭ بارلىعىمىز مەملەكەتتىك قىزمەتشىمىز. مەملەكەتكە، حالىققا قىزمەت ەتۋىمىز قاجەت. ەندەشە قىزمەت ەتەيىك. مەملەكەتتىڭ ءاربىر تيىنىن ۇنەمدەۋ كەرەك. ىسىراپ بولماۋى ءتيىس. مۇنىمەن جالعىز اينالىسۋىم كەرەك پە؟ سىزدەرگە بيۋدجەت بەرىلدى. سىزدەر قالاي ۇنەمدەۋ كەرەكتىگىن ويلاۋعا تيىسسىزدەر. ەگەر ۇنەمدەيتىن بولسا، وندا ولارعا ءبولۋ قاجەت. ءدال وسىلاي كادر ماسەلەسىندە دە. ەگەر مينيسترلىك، ۆەدومستۆو قىزمەتشىلەردىڭ 10 پايىزىن قىسقارتسا، اقشانى ۇزدىك جۇمىسقا تولەۋ ءۇشىن، جالاقىسىن كوتەرۋ ءۇشىن قالدىرامىز»، - دەپ اتاپ ءوتتى مەملەكەت باسشىسى.
اۆتور: مارلان جيەمباي
