قازاقستان تۇتىنۋشى ەلدەن ءوندىرۋشى ەلگە اينالۋدى تەزدەتۋى كەرەك - مەيرام ءجانادىلوۆ

 دەپ حابارلايدى قازاقپارات ءتىلشىسى.

«ەلباسى حالىققا ارناعان جولداۋىندا ەگەمەندىكتىڭ العاشقى جىلدارىنداعى قيىندىقتى كورسەتە وتىرىپ، ەكونوميكاداعى وزگەرىستەردىڭ ءساتتى بولعانىن ايتادى. تاۋەلسىزدىكتىڭ العاشقى جىلدارىنداعى داعدارىستار قازاقستاننىڭ ءبىرىنشى جاڭعىرۋىمەن تىكەلەي بايلانىستى. بۇل كەزەڭدە قازاقستاندا جوسپارلى ەكونوميكادان نارىقتىق ەكونوميكاعا ءوتۋ ماسەلەسى باستالدى. ەلباسى ەكىنشى جاڭعىرۋعا «قازاقستان 2030» ستراتەگياسىنىڭ قۇرىلعانىن جاتقىزادى. ەندىگى مىندەت ءۇشىنشى جاڭعىرۋدى ساتىمەن جۇزەگە اسىرۋ»، - دەيدى مەيرام بازار ۇلى.

ونىڭ پايىمىنشا، ەلباسى ساياسي رەفورمامەن قاتار ەكونوميكالىق وزگەرىستەرگە باسىمدىق بەرۋ ارقىلى حالىقتىڭ ءال- اۋقاتىن كوتەرۋدى ماقۇلداپ وتىر. بۇنداي باعدار ءاربىر قاراپايىم قازاقستاندىق ءۇشىن دە اسا ماڭىزدى. 

«جالپى ءار جىلعى جولداۋىندا نۇرسۇلتان ءابىش ۇلى ونەركاسىپتىڭ ەش اكىمشىلىك كەدەرگىسىز جۇمىس ىستەۋىنە جول اشۋ قاجەتتىگىن العا تارتادى. وسى جولى دا پرەزيدەنت ءوندىرىس ورىندارىنىڭ ەسەبىنەن ءوسىپ وتىرعان ەكونوميكاعا جاڭا مودەل قۇرۋدى ۇسىنادى. سول ارقىلى 2050 -جىلعا دەيىن تولىق جۇزەگە اساتىن ستراتەگيالىق جوسپار رەت- رەتىمەن ورىندالماق. سونىمەن قاتار، جولداۋدا ەكونوميكانى تەحنولوگيالىق تۇرعىدا جاڭعىرتۋعا ءجىتى ءمان بەرىلدى. شيكىزاتتىق ەمەس تاۋارلاردىڭ ەكسپورتىن ارتتىرۋعا، قازاقستاندىق ساپالى ءونىمنىڭ اتاعىن شىعارۋعا نازار بۇردى. ءبىزدىڭ ەل، وكىنىشكە قاراي، ءالى كۇنگە تۇتىنۋشى رەتىندە ءومىر ءسۇرىپ كەلەدى. ءبىراق ءبىز بولاشاعىمىزدى ويلاساق، تۇتىنۋشىلىقتان ءوندىرىستى ەلگە اينالۋدى تەزدەتۋىمىز كەرەك»، - دەيدى ءجانادىلوۆ.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى