ترامپتىڭ تىيىمىنان سوڭ بىرنەشە ادام دۋبايدان ا ق ش- قا ۇشا المادى
«قازىرگە بۇل ەرەجەنىڭ اسەرى تىم تومەن بولىپ تۇر. بىزدە ناقتى سيفر جوق، ءبىراق بىرنەشە ادام عانا تەكسەرىلىپ، كەيىن قايتارىلدى» دەدى پول گريففيتس بۇگىن دۋبايدىڭ Dubai Eye راديوسىنا.
دۋباي اۋەجايى الەمدەگى اۋە رەيستەرى ەڭ كوپ ۇشىرىلاتىن اۋەجاي جانە الەمدەگى الىس قاشىقتىقتارعا جولاۋشىلار تاسىمالدايتىن ەڭ ءىرى Emirates كومپانياسى ءۇشىن اۋە تورابى سانالادى.
ا ق ش پرەزيدەنتى دونالد ترامپ وتكەن اپتادا يران، يراك، سيريا، سومالي، سۋدان، يەمەن جانە ليۆيا ازاماتتارىنىڭ ا ق ش- قا كىرۋىنە ۋاقىتشا تىيىم سالاتىن قاۋلى جارلىق شىعارعان. بۇل جارلىق اۋە تاسىمالىندا پروبلەم تۋىنداتىپ، جاڭا ەرەجەلەردى ەنگىزۋگە اكەلىپ سوقتىردى.
29 - قاڭتاردا Emirates ا ق ش- قا ۇشاتىن رەيستەردىڭ پەرسونالدار قۇرامىن «سوڭعى تالاپتارعا ساي» اۋىستىرعانىن حابارلاعان. بۇعان دەيىن اۋە كومپانياسى جاڭا ەنگىزىلگەن تىيىم جولاۋشىلارىنىڭ «تەك از بولىگىنە اسەر ەتەتىنىن» مالىمدەگەن.
حالىقارالىق ابۋ- دابي اۋەجايى كەشە Etihad Airways كومپانياسىنا جاڭا ەرەجە ىقپال ەتكەن جولاۋشىلارعا قاتىستى ساۋال جولداعان. مۇنىڭ الدىندا Etihad Airways جاڭا ەرەجە بويىنشا بىرنەشە جولاۋشىسى ۇشا المايتىنىن جانە جاقىن بىرنەشە اپتادا ۇشاتىن رەيستەرگە قاتىستى پروبلەما تۋىنداتپاۋ شارالارىن جاساپ جاتقانىن حابارلاعان.
