ترامپ وبامانىڭ وزىنە قالدىرعان حاتىن وقىعاندىعىن ايتتى
بۇل تۋرالى 45- پرەزيدەنت اق ءۇيدىڭ ۇلتتىق قاۋىپسىزدىك كەڭەسى اپپاراتىنىڭ جوعارى لاۋازىمدى قىزمەتكەرلەرىنەن انت قابىلداۋ بارىسىندا ايتتى، دەپ حابارلايدى قازاقپارات.
«مەن كابينەتكە كىرگەنىمدە، وبامانىڭ قالدىرعان تاماشا حاتىن كوردىم. ونىڭ تاراپىنان حاتتى جازۋ كەرەمەت بولدى»، - دەدى ترامپ ونىڭ ءماتىنىن جاريا ەتپەيتىنىن ايتا كەلە.
Lenta.ru-دىڭ جازۋىنشا، ا ق ش- تىڭ قىزمەت مەرزىمى اياقتالعان پرەزيدەنتىنىڭ ەلدىڭ جاڭا باسشىسىنا حات قالدىرۋى - بۇرىننان كەلە جاتقان ءداستۇر. حاتتىڭ ءماتىنى ونىڭ اۆتورى مەن ادرەساتقا عانا ءمالىم بولادى.
دونالد ترامپ ا ق ش پرەزيدەنتى لاۋازىمىنا رەسمي تۇردە 20 -قاڭتار كۇنى كىرىستى. ۇلىقتاۋ ءراسىمى ۆاشينگتوندا كاپيتولي ماڭىندا ءوتتى. ونىڭ يناۋگۋراتسيالىق ءسوزىنىڭ باستى بولىگى - ەلدەگى بيلىكتى حالىققا قايتارۋ ۋادەسى بولدى.
سول كۇنى ترامپ مەملەكەت باسشىسى رەتىندەگى ءبىرقاتار ءوزىنىڭ العاشقى جارلىقتارىنا قول قويدى.
