قازاقستان قاشاعانداعى قۇبىر جەلىلەرىن اۋىستىرۋ شىعىندارىن وتەمەيدى
«28 ديۋيمدىك (71 س م) قۇبىر جەلىلەرىن قالپىنا كەلتىرۋگە جۇمسالعان سولتۇستىك كاسپي جوباسىنىڭ مەردىگەرلەرىنىڭ شىعىندارى وتەلمەيدى، بۇل جونىندە رەسپۋبليكا مەن مەردىگەر اراسىندا 2014 -جىلعى رەتتەۋلەر تۋرالى ۋاعدالاستىق بار. سونداي- اق، جوبا اكسيونەرلەرى قازاقستاندىق تاراپپەن باستاپقى قۇبىر جەلىلەرى مەن ولاردى قۇراستىرۋ شىعىندارىن ءونىمدى ءبولىسۋ تۋرالى كەلىسىم بويىنشا وتەلمەيتىن شىعىندار دەپ جىكتەۋ جونىندە كەلىسكەن»، - دەپ حابارلادى ق ر ەنەرگەتيكا مينيسترلىگىنىڭ باسپا ءسوز قىزمەتى «قازاقپارات» ح ا ا ساۋالىنا جاۋاپ بەرىپ.
ەسكە سالا كەتسەك، قاشاعان كەن ورنىنداعى العاشقى مۇناي ءوندىرىسى 2013 - جىلى باستالدى، ءبىراق توقتاپ قالعان ەدى. توقتاۋدىڭ سەبەبى ءىشىنارا تەڭىز تۇبىنە، «د» ارالىنا ورناتىلعان قۇبىر جەلىلەرىندە جارىقشاقتار پايدا بولعان. شامامەن 200 شاقىرىم قۇبىر جەلىلەرىن اۋىستىرۋ تۋرالى شەشىم قابىلدانعان.
