بۇل مۇنارانى سالدىرۋعا ءۇش ءامىرشىنىڭ ءومىرى ارەڭ جەتكەن - فوتو
اسىل ءدىنىمىز يسلامنىڭ قۋاتتىلىعىنىڭ سيمۆولى رەتىندە سالىنعان بۇل مۇنارانىڭ قۇرىلىسى دەلي سۇلتاناتىنىڭ بىرنەشە ءامىرشىسىنىڭ بيلىك ەتكەن كەزەڭىنە سوزىلعان.
مۇنارا قۇرىلىسىن ءۇندى مۇسىلماندارىنىڭ العاشقى ءامىرشىسى كۋتب ۋد- دين ايباك باستاعان. اۋعان ەلىندەگى دجام مۇناراسىنان قاتتى اسەرلەنگەن ول ءۇندى توپىراعىندا بۇرىن- سوڭدى بولماعان عيمارات تۇرعىزۋعا بەل بايلايدى. وسىلايشا، ول 1193-جىلى مۇنارا قۇرىلىسىن باستاۋعا جارلىق بەرەدى. الايدا، ءامىرشىنىڭ كورەر جارىعى عيماراتتىڭ ىرگەتاسى قۇيىلىپ بىتكەن كەزدە تاۋسىلعان ەدى.
كەيبىر دەرەكتەردە «جەڭىس مۇناراسى» دەپ اتالاتىن بۇل عيماراتتىڭ اياقتالعانىن ايباك سۇلتاننىڭ ورنىن باسقان يلتۋتميشتىڭ دا ماڭدايىنا جازىلمايدى. ول «قۇتب- ميناردىڭ» ءۇشىنشى قاباتى اياقتالعان تۇستا بۇل دۇنيەمەن قوش ايتىسادى.
بىتپەي قالعان مۇنارا قۇرىلىسىن 1368-جىلى فيرۋز- شاح تۋگۋل اياقتاپ، سوڭعى قاباتىن سالىپ شىعادى. مۇنارانىڭ سىرتقى كورىنىسىنە قاراپ- اق، ساۋلەت ونەرىنىڭ دامي تۇسكەنىن كورۋگە بولادى. الىستان اسقاقتاي كورىنگەن مەشىت مۇناراسى ادامداردى «كۋۆۆات- ۋل- يسلام» مەشىتىنە نامازعا شاقىرىپ قانا قويماي، سول زامانداردا شاھار قاۋىپسىزدىگىن نىعايتقان كۇزەت مۇناراسى رەتىندە قاتار پايدالانىلعان.
