وزبەكستان شەتەلدىكتەرگە ۆيزاسىز كىرۋ ءتارتىبىن ەنگىزۋدى كەيىنگە قالدىردى

بۇل تۋرالى وزبەكستان زاڭنامالارىنىڭ رەسمي سايتىندا بۇگىن ميرزيايەۆتىڭ 29 - جەلتوقساندا ۆيزاسىز رەجيم جوسپارىن كەيىنگە قالدىرۋ تۋرالى جارلىعى جاريالاندى.

جارلىقتا ميرزيايەۆتىڭ اۋەلدە 6 - جەلتوقساندا ءوزى ماقۇلداعان 2017 -جىلدىڭ 1 - ساۋىرىنەن باستاپ 27 مەملەكەتتىڭ ازاماتتارىنا ەلگە ۆيزاسىز كىرۋدى ۇسىنعان جوسپارى 2021 -جىلدىڭ قاڭتارىنان باستاپ كۇشىنە ەنەتىنى ايتىلعان.

 جوسپار بويىنشا، 15 مەملەكەت - اۆستراليا، اۆستريا،  ۇلى بريتانيا، دانيا، گەرمانيا، يسپانيا، يتاليا، كانادا، ليۋكسەمبۋرگ، نيدەرلاند، وڭتۇستىك كورەيا، سينگاپۋر، فينليانديا، شۆەيتساريا جانە جاپونيا ازاماتتارىنا وزبەكستاندا 30 كۇنگە دەيىن ۆيزاسىز جۇرۋگە رۇقسات بەرۋ قاراستىرىلعان.

سونىمەن بىرگە ا ق ش، بەلگيا، فرانسيا، پولشا، ۆەنگريا، چەحيا، يندونەزيا، قىتاي، مالايزيا، ۆەتنام جانە يزرايلدىڭ جاسى 55-تەن اسقان ازاماتتارىنا دا وزبەكستانعا 30 كۇنگە دەيىن ۆيزاسىز ەركىن كىرۋ قاراستىرىلعان بولاتىن.

«ازاتتىق» جاڭالىقتارى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى