ناسانىڭ ەڭ تاڭداۋلى فوتوسۋرەتتەرىنە بايقوڭىرداعى كورىنىستەر ەندى
Mashable.com مالىمەتىنە قاراعاندا، NASA وتكەن جىلعى ۇناعان سۋرەتتەرىن جيناقتاعان، ولاردىڭ اراسىندا عارىش سالاسىنداعى وقيعالار، زىمىران تاسىعىشتاردى ۇشىرۋ ساتتەرى، ح ع س- داعى استروناۆتار ءومىرى مەن وزگە دە قىزىقتى شارالار قامتىلعان.
2016 -جىلعا جاسالعان شولۋدىڭ اياسىندا ۇزدىك 66 فوتوسۋرەت ىرىكتەلدى. سونىڭ ىشىندە «بايقوڭىر» عارىش ايلاعىنان زىمىران تاسىعىشتاردى ۇشىرۋ كەزىندەگى جانە قاراعاندى وبلىسى اۋماعىندا اپپاراتتاردىڭ قونۋى ساتتەرى تۇسىرىلگەن فوتوسۋرەتتەر بار. 2016 -جىلدىڭ 7- شىلدەسىندە امەريكاندىق استروناۆت كەيت رۋبينس، رەسەيلىك اناتوليي يۆانيشين مەن جاپوندىق تاكۋيا ونيسي عارىش ايلاعىنان اسپانعا ءساتتى كوتەرىلدى.
فوتو: NASA/Bill Ingalls
عارىش كەمەسىنىڭ ەكيپاجى. ونىڭ قۇرامىندا رەسەيلىك عارىشكەر ولەگ نوۆيتسكيي، فرانسۋزدىق عارىشكەر توما پەسكە جانە NASA وكىلى پەگگي ۋيتسون بار. ەكيپاج وتكەن جىلدىڭ 18 - قاراشاسىندا بايقوڭىردان عارىشقا ۇشىرىلدى. فوتو: NASA/Bill Ingalls
جەرگە قوناتىن «سويۋز تما-18م» اپپاراتى. 2016 -جىلعى 2 - ناۋرىزدا جەزقازعاننان 147 شاقىرىم جەرگە رەسەيلىك عارىشكەرلەر ميحايل كورنيەنكو مەن سەرگەي ۆولكوۆ، سونىمەن قاتار امەريكاندىق استروناۆت سكوتت كەللي قوندى. فوتو: NASA/Bill Ingalls NASA
استروناۆتى دجەفف ۋيليامس، رەسەيلىك عارىشكەرلەر الەكسەي وۆچينين مەن ولەگ سكريپوچكانىڭ 2016 -جىلعى 7 - قىركۇيەكتە جەزقازعان ماڭىندا «سويۋز تما-20م» كەمەسىمەن قونعان ءساتى. فوتو: NASA/Bill Ingalls
2016 -جىلدىڭ 30 - قازانىندا جەزقازعان قالاسىنان الىس ەمەس اۋداندا ا ق ش استروناۆتى كەيت رۋبينس، رەسەيلىك اناتولي يۆانيشين جانە جاپوندىق تاكۋيا ونيشي پاراشيۋتپەن قوندى. قونۋ ءساتىنىڭ ويداعىداي بولۋى جەتىلدىرىلگەن «سويۋز تما-20م» عارىش كەمەسىنىڭ ءبىرىنشى ميسسياسىنىڭ اياقتالعانىن بىلدىرەدى.
2016-جىلدىڭ 14 - قاراشاسىندا بايقوڭىر عارىش ايلاعىنان ۇلكەن ايدىڭ ەرەكشە كورىنىسى اياسىندا زىمىران فوتوسۋرەتكە ءتۇسىرىلدى. «بايقوڭىر» عارىش ايلاعىنا رەلسپەن «سويۋز» جەتكىزىلدى.
2016-جىلعى 4- شىلدەدە «بايقوڭىرعا» پويىزبەن «سويۋز مس-01» عارىش كەمەسى جەتكىزىلدى. فوتو: NASA/Bill Ingalls
اۆتور: رۋسلان عابباسوۆ
