الماتى اكىمى جاڭا جىلدىڭ الدىندا ازىق-تۇلىك باعاسىن تەكسەردى - فوتو
اكىم شۇجىق، مايونەز، بۇرشاق، كارتوپ سەكىلدى ءداستۇرلى جاڭاجىلدىق سەبەتتەن تابىلاتىن ازىق-تۇلىك باعاسىنا گيپەرماركەت ۇسىنعان جەڭىلدىكتەرگە قىزىعۋشىلىق تانىتتى.
«جاڭا جىل الدىندا بارىنشا جەڭىلدىكتەر جاساۋعا تىرىسامىز»، - دەدى قالا باسشىسىنا دۇكەن جەتەكشىلىگى.
ولار اكىمگە تاۋار سورەلەرىن كورسەتىپ، باعالارىمەن تانىستىرىپ شىقتى. جۋرناليستەر اكىمنەن باعالاردىڭ قانشالىقتى قولايلى ەكەنىن سۇراعاندا، اكىم «بۇل تۋرالى قالالىقتار ايتسىن» دەپ جاۋاپ بەردى.
«ءبىز قولدان كەلگەنشە جۇمىس ىستەپ جاتىرمىز، كوردىڭىزدەر مە، وركەنيەتتى ساۋدا كەلدى - دەمەك تۇراقتى سالىقتار، تۇراقتى جالاقى، قالىپتى ساپا بولادى. ءبىز بيىل الماتىلىق ونىمدەردىڭ ۇلەسىن %2 ارتتىردىق. %2 از بولىپ كورىنەتىن شىعار، ءبىراق الماتى 3 ميلليون حالقى بار ۇلكەن نارىق جانە بۇل %2 - ۇلكەن جۇيەلى ەڭبەكتى كورسەتىپ تۇر، الداعى ۋاقىتتا دا جۇمىستى جالعاستىرا بەرمەكپىز»، - دەدى باۋىرجان بايبەك.
