مارات نۇرعوجين ق ر قورعانىس جانە ايەروعارىش ونەركاسىبى ۆيسە- ءمينيسترى بولدى

 بۇل لاۋازىمىندا نۇرعوجين قازاقستان رەسپۋبليكاسى عارىش قىزمەتىنىڭ دامۋ ماسەلەلەرىنە جەتەكشىلىك ەتەتىن بولادى، دەپ حابارلايدى قازاقپارات قورعانىس جانە ايەروعارىش ونەركاسىبى مينيسترلىگىنە سىلتەمە جاساپ.

 مارات نۇرعوجين 1957 -جىلى 30- ماۋسىم كۇنى دۇنيەگە كەلگەن. 1980 -جىلى ن. ە. باۋمان اتىنداعى ماسكەۋ جوعارى تەحنيكالىق ۋچيليشەسىن ۇزدىك بىتىرگەن، تەحنيكالىق عىلىمدار دوكتورى، پروفەسسور. ەڭبەك جولىن قاراعاندى پوليتەحنيكالىق ينستيتۋتىنان باستاپ، وندا كىشى عىلىمي قىزمەتكەرىنەن ءبىرىنشى پرورەكتورىنا دەيىن ءوستى.

 2004 -جىلدىڭ ناۋرىز ايىندا قازاقستان رەسپۋبليكاسى ءبىلىم جانە عىلىم مينيسترلىگىنىڭ دەپارتامەنت ديرەكتورى لاۋازىمىنا تاعايىندالدى. ءار جىلدارى اكىمشىلىك باسشىسى، ق ر ب ع م ايەروعارىش كوميتەتىنىڭ ءتوراعاسى، «سامعاۋ» ۇلتتىق عىلىمي- تەحنولوگيالىق حولدينگ» ا ق باسقارما ءتوراعاسىنىڭ ورىنباسارى، باسقارما مۇشەسى سەكىلدى لاۋازىمداردى اتقارعان. 2008 -جىلى «قازاقستان عارىش ساپارى» ۇلتتىق كومپانياسى» ا ق ءبىرىنشى ۆيتسە- پرەزيدەنتى، 2013 - جىلدىڭ تامىزىندا - پرەزيدەنتىنىڭ مىندەتىن اتقارۋشى لاۋازىمىنا تاعايىندالدى.

نۇرعوجين بەلسەندى عالىم، 250-دەن استام عىلىمي جانە عىلىمي- ادىستەمەلىك جۇمىستىڭ، مونوگرافيانىڭ، وقۋلىقتىڭ جانە وقۋ ادىستەمەنىڭ، پاتەنتتىڭ، اۆتورلىق كۋالىكتىڭ جانە زياتكەرلىك مەنشىك تۋرالى كۋالىكتىڭ اۆتورى. ق ر قورعانىس جانە ايەروعارىش ونەركاسىبى ۆيسە- ءمينيسترى بولىپ تاعايىندالۋىنا دەيىن نۇرعوجين «قازاقستان عارىش ساپارى» ۇ ك» ا ق پرەزيدەنتى قىزمەتىن اتقاردى.

 قازاقستان رەسپۋبليكاسىنىڭ مەملەكەتتىك ناگرادالارى: «قۇرمەت» وردەنىمەن، قازاقستان رەسپۋبليكاسى پرەزيدەنتىنىڭ العىس حاتىمەن، مەرەيتويلىق مەدالدارمەن، «قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى» جانە «قازاقستان رەسپۋبليكاسى عىلىمىن دامىتۋداعى جەتىستىكتەرى ءۇشىن» توسبەلگىلەرمەن ماراپاتتالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى