مينيستر جانتەبىرەنتەرلىك حات جازعان ورالمان قىزعا كومەكتەستى
بۇل تۋرالى «نۇر وتان» پارتياسىنىڭ رەسپۋبليكالىق قوعامدىق قابىلداۋ ءبولىمىنىڭ كەڭەسشىسى اۋىت مۇقيبەك ۇلى ءمالىم ەتتى.
«ىشكى ىستەر ءمينيسترى مەيىرگۇلدىڭ ءوتىنىشى بويىنشا، ق ر سىرتقى ىستەر مينيسترلىگىنىڭ كونسۋلدىق دەپارتامەنتىنە حات جازىپ، ۇرىمجىدەگى كونسۋلدىقتان سامەت ۇلاربەك پەن تۇرسىن ورالحانعا ەلىمىزگە كىرۋ ۆيزاسىن بەرۋدى سۇراپتى. كەشە 22 - جەلتوقساندا «نۇر وتان» پارتياسىنىڭ قوعامدىق قابىلداۋ بولمەسىنە ۇرىمجىدەگى مەيىرگۇلدىڭ اناسىنان تەلەفون ارقىلى قۋانىشتى حابار كەلدى. ولار ەلىمىز كونسۋلدىعىنان قازاقستانعا كەلۋ ۆيزاسىن الىپتى. ەندى ساناۋلى كۇندەردەن سوڭ، الماتىدا قالعان قىزىمەن امان- ەسەن قاۋىشادى. قانداسىمىز "نۇر وتان" پارتياسىنا العىسىن جاۋدىرىپ جاتىر» ، - دەيدى اۋىت مۇقيبەك ۇلى.
ەستەرىڭىزگە سالا كەتەيىك، «نۇر وتان» پارتياسىندا قوعامدىق قابىلداۋ وتكىزگەن ەلىمىزدىڭ ىشكى ىستەر ءمينيسترى قالمۇحانبەت قاسىموۆقا 9 جاسار مەيىرگۇل وتىنىشپەن كەلگەن بولاتىن. ونىڭ اتا- اناسى ەلىمىزدىڭ كوشى- قون زاڭناماسىن بۇزعانى ءۇشىن قازاقستاننان شىعارىلعان ەدى. ال مەيىرگۇل بۇگىندە الماتىدا تۋىستارىنىڭ قولىندا قالعان. 2016 -جىلعى 7 - جەلتوقساندا «نۇر وتان» پارتياسىنىڭ رەسپۋبليكالىق قوعامدىق قابىلداۋ بولمەسىندە ىشكى ىستەر ءمينيسترى ق. قاسىموۆپەن وتكەن قابىلداۋدا مەيىرگۇل ۇلاربەك قىزى الماتىدان كەلىپ، ءمينيستردىڭ قابىلداۋىندا بولدى. ءوتىنىشىن ايتىپ، اتا- اناسىنىڭ تەزىرەك قازاقستانعا ورالۋىنا راقىمشىلىق جاساۋىن سۇراعان ەدى.
اۆتور: ريزابەك نۇسىپبەك ۇلى
