گولليۆۋدتىك اكتريسا جا جا گابور قايتىس بولدى

ول 99 جاسقا قاراعان شاعىندا جۇرەك تالماسىنان كوز جۇمدى، دەپ حابارلايدى لەنتا. رۋ. گابور بەل- ەير اۋدانىنداعى ءوز ۇيىندە قايتىس بولدى.

 Variety پورتالىنىڭ حابارلاۋىنشا، اكتريسانى اۋرۋحاناعا جەتكىزگەندە، دارىگەرلەر ونىڭ كوز جۇمعانىن انىقتاعان. سوڭعى جىلدارى گابور اۋرۋحاناعا ءجيى ءتۇستى. 2016 -جىلى اقپان ايىندا وكپە جۇقپاسىمەن اۋرۋحاناعا جاتقىزىلدى. 2011 -جىلى مامىر ايىندا پنيەۆمونيا اۋرۋى اسقىنعان اكتريسا لوس- اندجەلەس اۋرۋحاناسىنىڭ جانساقتاۋ بولىمىنە ءتۇستى. 2010 -جىلدىڭ قاراشا ايىندا اكتريسانىڭ اياعىنان ترومب، كەيىنىرەك گانگرەنا تاۋىپ، وڭ اياعىن كەسىپ الىپ تاستاۋعا تۋرا كەلدى.

جا جا گابور 1917 -جىلى 6 - اقپاندا بۋداپەشتە دۇنيەگە كەلگەن. ول گولليۆۋدتاعى كينو مانسابىن 1952 -جىلى باستاعان. اكتريسانىڭ ەڭ ۇزدىك رولدەرىنىڭ ءبىرى - «مۋلەن رۋج» مەلودراماسىنداعى ءبيشى جاننا اۆريل. گابور وزگە دە فيلمدەردە وينادى. گابور توعىز رەت تۇرمىستا بولدى، جەتى رەت اجىراستى. ءبىر نەكە زاڭسىز تابىلدى. ونىڭ جالعىز قىزى فرانچەسكا حيلتون 2015 -جىلى 5 - قاڭتاردا 67 جاسىندا دۇنيە سالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى