ازيا مۇسىلماندارى كوميتەتى شىمكەنتتە مىڭداعان قايىرىمدىلىق جوبالاردى جۇزەگە اسىردى - فوتو
كۋۆەيتتىڭ بۇكىل الەمدىك يسلامدىق قايىرىمدىلىق قورى كۋۆەيت ءامىرى شەيح دجابير ال-احماد اس- ساباحتىڭ قاۋلىسىمەن 1986 -جىلى 21 -ماۋسىمدا قۇرىلعان بولاتىن. 1992 -جىلى ق ر شىمكەنت قالاسىندا اليا مۇسىلماندار كوميتەتىنىڭ وفيسىن قۇرۋ تۋرالى ءوتىنىش جاسالدى. وسى ءوتىنىش نەگىزىندە 1993 -جىلى 22 -ماۋسىمدا ق ر ادىلەت مينيسترلىگىنىڭ شىمكەنتكە اككرەديتاتسيالاۋ جونىندەگى رۇقساتىن الدى.
كوميتەتتىڭ وفيسى 2001 -جىلعا دەيىن الماتى قالاسىندا جۇمىس جاساپ، وكىلدىك ديرەكتورىنىڭ رۇقساتىمەن جابىلدى. 23 جىل بويى جۇزەگە اسىرىلعان جوبالاردىڭ قاتارىندا شىمكەنتتەگى 54 مەشىتتىڭ قۇرىلىسى، 8 يسلام ورتالىعىنىڭ ىسكە قوسىلۋى (مەشىت- مەدرەسەلەر، جۋىنۋ ورىندارى، يمامدار بولمەسى)، 1 مەكتەپ، 5 شاقىرىمدىق قارابۇلاق وزەنىندەگى سۋ كانالى، مەشىت سالۋ بارىسىندا شاردج قورىنا كومەك كورسەتۋ، 1180 قۇدىق قازۋ، 30-90 مەترلىك تەرەڭدىكتەگى 6 ارتەزيان قۇدىعى، 12 امبۋلاتوريا قۇرىلىسى جاسالدى. 14 جوبا ءبىلىم بەرۋ، سونداي-اق زەكەت، قايىرىمدىلىق باعىتىندا (ناۋقاستارعا ءدارى- دارمەك ساتىپ الۋ، تۇرمىس دەڭگەيى تومەن وتباسىلاردىڭ بالالارىنا مەكتەپكە قاجەتتى وقۋ قۇرالدارى مەن كيىمدەرىن الىپ بەرۋ) ىسكە استى. مىڭعا جۋىق جوبا و ق و جەتىم بالالارى، تۇرمىس دەڭگەيى تومەن وتباسىلارعا، بالالار ءۇيى مەن مەشىت يمامدارىنا كومەكتەسۋ ماقساتىندا جاسالدى.
اۆتور: اقبوپە ءابدراسۋل
