رەسەيلىك شوۋمەن اشقان «ەسەك» اتتى مەيرامحانانىڭ اتاۋى وزبەكتەردىڭ شامىنا ءتيدى

وتكەن اپتادا وسى قالادا تۇراتىن وزبەك دياسپوراسى ءوز نارازىلىقتارىن ءبىلدىرىپ، قۇزىرەتتى مەملەكەتتىك ورگاندارعا شاعىم تۇسىرگەن بولاتىن، دەپ حابارلايدى قازاقپارات ءتىلشىسى «ۆەدوموستي ۋرالا» باسىلىمىنا سىلتەمە جاساپ. «ءبىزدىڭ جارنامامىزدا ەسەكتىڭ سۋرەتى تۇرىپ، «يشاك» دەگەن جازۋ بولسا، وعان تەك ەسەكتىڭ ءوزى عانا رەنجي الادى! مەيرامحانانىڭ بارلىق جارنامالىق ماتەريالدارىن جاساعاندا، ءبىز شىعىستىڭ دانالىعى مەن قوناقجايلىلىعى سياقتى قۇندىلىقتارىنا قۇرمەتپەن قارادىق. مەن ءۇشىن ەسەك - بالالىق شاعىمداعى ەرتەگىلەردىڭ ءبىر كەيىپكەرى. «شۋريكتىڭ قىزىقتى وقيعالارىندا» ەسەك بار. قوجاناسىردا ەسەكپەن ءجۇردى. ءالى ەسىمدە، ول سوڭعى شەلپەگىن كىشكەنتاي دوسىمەن بىرگە ءبولىسىپ جەيتىن»، - دەيدى س. سۆەتلاكوۆ.

ونىڭ ايتۋىنشا، شىعىس تاعامدارىنا ارنالعان مەيرامحانانى اشۋ باستاماسىن كوپتەگەن دياسپورالار قولدادى. وسىعان بايلانىستى ول پاركتە جينالعان وزبەكتەردى ماسەلەنى داۋىس زورايتقىش ارقىلى ەمەس، جەكە- دارا شەشۋگە شاقىردى. «قالاي بولسا دا، ءبىزدىڭ مەيرامحانامىزدا ول ادامداردى باي داستارحان مەن جاقسى سوزبەن قارسى الادى»، - دەپ اتاپ كورسەتتى ءارتىس.

ايتا كەتەيىك، «Eshak» اتتى مەيرامحانا ەكاتەرينبور قالاسىندا عانا ەمەس، ماسكەۋ مەن كيەۆتە دە اشىلعان بولاتىن.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى