رەسەيدىڭ بۇرىنعى پرەزيدەنتى ەلتسيندى اعاسى «لايىقسىز ادام» دەپ اتادى

رەسەيدىڭ بۇرىنعى پرەزيدەنتىنىڭ جاقىن اعاسى ستانيسلاۆ گلەبوۆ باۋىرىن قورعاۋدىڭ ورنىنا، جۇرتپەن بىرگە جاعاسىنان الدى. «مەملەكەتتى قۇرتقان ادامعا قالاي ەسكەرتكىش قويۋعا بولادى؟ مەنىڭ اعام مۇنداي ەسكەرتكىشكە لايىق ەمەس. ءبىزدىڭ بارلىق اۋىلداستارىمىز وسىنداي پىكىردە» - دەيدى ول.

75 جاستاعى ستانيسلاۆ گلەبوۆ سۆەردلوۆ وبلىسىنىڭ بۋتكا اۋىلىندا تۇرادى. ەكاتەرينبۋرگتە اشىلعان ەلتسين ورتالىعىنا قاتىستى داۋدى مۇقيات باقىلاپ وتىرعان ول ەشكىمنىڭ جاعىندا ەمەس ەكەنىن، ءوزىنىڭ بەيتاراپ ۇستانىمى بار ەكەنىن ايتادى.

ەكاتەرينبۋرگتە ەلتسين ورتالىعى 2015 -جىلى اشىلعان بولاتىن. ورتالىق رەسەيدىڭ تۇڭعىش پرەزيدەنتىنىڭ ءومىربايانىنان سىر شەرتەدى. ءبىراق مۇندا قويىلعان ەسكەرتكىش مادەنيەت قىزمەتكەرلەرىنىڭ اراسىندا داۋ تۋدىردى.

رەجيسسەر نيكيتا ميحالكوۆ ورتالىق جۇمىسىنىڭ ۇلتتىق سانانى بۇزۋعا باعىتتالعانىن ايتىپ، سىنعا العان. ول رەسەي تاريحىن ناسيحاتتاۋدا بارىنشا وبەكتيۆتى بولۋدى ۇسىنادى.

رەجيسسەردىڭ ويىن رەسەيدىڭ مادەنيەت ءمينيسترى ۆلاديمير مەدينسكي دە قولداپ: «مىڭداعان جىلدار بويى ءبىزدىڭ اتا-بابالارىز تۇك بىتىرمەي، ءبارىن ەلتسين جاسادى ما؟ بۇل اقىماقتىق» - دەگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى