قىتاي جوعارعى حالىق سوتىنىڭ دەلەگاتسياسى سوت تورەلىگى اكادەمياسىندا بولدى

كەزدەسۋگە قىتاي ۇلتتىق سۋديالىق كوللەدجىنىڭ ۆيتسە-پرەزيدەنتى، ق ح ر ج ح س- تىڭ ازاماتتىق جانە كوممەرتسيالىق قۇقىق سالاسىنداعى سۋدياسى لي شياومين، اقپاراتتىق باسقارۋ ورتالىعىنىڭ پايدالانۋ جانە تەحنيكالىق قىزمەت كورسەتۋ، ينفراقۇرىلىم جانە جوسپارلاۋ باسقارمالارىنىڭ باسشىلارى شاڭ جىڭلين، فۋ جيانجوڭ جانە حۋاڭ گوۋدوڭ، ج ح س تۇيتكىلدى ماسەلەلەردى زەرتتەۋ دەپارتامەنتىنىڭ دوتسەنتى، سونداي- اق ق ح ر گۋاڭدۇڭ پروۆينسياسى ج ح س- نىڭ بانكروتتىق بويىنشا سوتىنىڭ باس سۋدياسى ديڭ حايحۋ قاتىستى. م. بەيبىتوۆ مەيمانداردى اكادەميانىڭ مارتەبەسىمەن، ونىڭ قۇرامىنداعى ينستيتۋتتاردىڭ قىزمەتىمەن تانىستىردى. ول سوت تورەلىگى مەن سوت جۇيەسى دامۋىنىڭ ماسەلەلەرىن زەرتتەۋ اياسىندا اكادەميا ءبىرقاتار حالىقارالىق ۇيىمدارمەن جانە ءبىلىم بەرۋ مەكەمەلەرىمەن تىعىز قارىم- قاتىناس ورناتقانىن اتاپ ءوتتى.

ماسەلەن، اعىمداعى جىلى اكادەميا بەلارۋس مەملەكەتتىك ۋنيۆەرسيتەتىمەن، تۇركيا ادىلەت اكادەمياسىمەن، سينگاپۋر سوت كوللەدجىمەن، فينليانديانىڭ سكانديناۆ اكادەميالىق ۇتقىرلىق ينستيتۋتىمەن جانە كورەيا رەسپۋبليكاسىنىڭ سوت زەرتتەۋلەرى جانە وقىتۋ ينستيتۋتىمەن ىنتىماقتاستىق تۋرالى مەموراندۋمعا قول قويدى.

ىنتىماقتاستىق شەڭبەرىندە، اكادەميا قىزمەتكەرلەرى مەن ماگيسترانتتارى شەتەلدىك وقۋ ورىندارىندا حالىقارالىق تاعىلىمدامادان جانە پروفەسسور- وقىتۋشىلار قۇرامىنىڭ بىلىكتىلىگىن ارتتىرۋ كۋرستارىنان وتۋدە. كەزدەسۋ بارىسىندا ۇلتتىق سۋديالار كوللەدجىنىڭ ۆيتسە-پرەزيدەنتى لي شياومين قىزمەتكەرلەر مەن ماگيسترانتتاردىڭ بىلىكتىلىگىن ارتتىرۋ سالاسىندا تاجىريبە الماسۋ ءۇشىن قازاقستاندىق اكادەميامەن ىنتىماقتاسۋعا دايىن ەكەنىن ءبىلدىردى.

شياومين مىرزا قازاقستاندىق اكادەميا سياقتى ۇلتتىق سۋديالىق كوللەدجى كوپتەگەن حالىقارالىق ۇيىمدارمەن ىنتىماقتاساتىندىعىن جانە سەمينارلار وتكىزۋ ءۇشىن شەتەلدىك مامانداردى شاقىرىپ وتىراتىنىن ايتتى. تاراپتار ەكى جاقتى كەلىسسوزدەردى ودان ءارى جالعاستىرۋ جانە ىنتىماقتاستىقتى تەرەڭدەتۋ قاجەت دەگەن شەشىمگە كەلدى.

اۆتور: ن. نۋراحمەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى