ەڭ قاۋىپتى جول مەن كوشە قيىلىسى انىقتالدى

ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنە قاراعاندا، وتكەن ايدا ەڭ كوپ ج ك و الماتى قالاسىندا (463) بولعان.

الماتىداعى التىنسارين جانە اباي كوشەلەرىنىڭ قيىلىسى اپاتتىلىق ەڭ كوپ ورىن الاتىن جول بولىگىنە اينالعان، ول جەردە 5 ج ك و تىركەلىپ، 10 ادام زارداپ شەكتى. جولداعى ءولىم- ءجىتىم بويىنشا الماتى وبلىسى الدىڭعى ورىندا، وندا 54 ادام جول اپاتىنان قازا تاپقان.

وسى ورايدا الماتى- بىشكەك تاس جولى ەڭ قاۋىپتى ۋچاسكە رەتىندە تىركەلگەن كورىنەدى.

بۇل جولدا 4 ادامنىڭ قازا بولۋىنا اكەپ سوققان 4 ج ك و ورىن الدى.

«قاراشا ايىندا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 610-بابى بويىنشا (كولىك قۇرالدارى جۇرگىزۋشىلەرىنىڭ جول ءجۇرىسى قاۋىپسىزدىگىن قامتاماسىز ەتۋدىڭ بەلگىلەنگەن قاعيدالارىن ادامداردىڭ دەنساۋلىعىنا زيان كەلتىرۋگە، كولىك قۇرالدارىنىڭ نەمەسە وزگە دە مۇلىكتىڭ بۇلىنۋىنە اكەپ سوققان بۇزۋشىلىعى) 5943 ادام جاۋاپكەرشىلىككە تارتىلدى، ال جىل باسىنان باستاپ 58 871 ادام جازالاندى»، - دەلىنگەن كوميتەت حابارلاماسىندا.

ق ر ق ك 345-بابى بويىنشا (كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى) قاراشا ايىندا 216 ازامات، ال جىل باسىنان باستاپ 4433 ادام جاۋاپكەرشىلىككە تارتىلدى. اعىمداعى جىلى ەلىمىزدىڭ جولدارىندا بارلىعى 16332 ج ك و ورىن الىپ، سونىڭ سالدارىنان 23384 ادام زارداپ شەگىپ، ونىڭ ىشىندە 2167 ادام اجال قۇشتى. دەگەنمەن وتكەن جىلدىڭ سايكەس كەزەڭىمەن سالىستىرعاندا جول كولىك اپاتتىلىعىنىڭ دەڭگەيى 5,7 پايىزعا تومەندەدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى