جوندەۋدەن وتكەن الماتىداعى «كوكتوبە» تەلەمۇناراسى اشىلدى - فوتو
Stan.kz ءتىلشىسى قىزمەتكەرلەردىڭ جۇمىسىن باقىلاپ، باسقارما ءتوراعالارىنىڭ سوڭعى جاڭالىقتارىن تىڭدادى.
كوكتوبە تەلەمۇناراسى - كىرۋگە تىيىم سالىنعان نىسان بولسا دا، بۇل جولى ب ا ق وكىلدەرى مۇناراعا كىرىپ كورۋ مۇمكىندىگىنە يە بولدى. بىرنەشە جىلدان بەرى اتالعان نىساندا قايتا جوندەۋ جۇمىستارى جۇرگىزىلگەن- دى. مۇنىمەن قاتار، باسپا ءسوز- تۋرى اياسىندا كونفەرەنسيا وتكىزىلىپ، «قازتەلەراديو» ا ق باسشىلارى وتكەن جىلدىڭ قورىتىندىلارى تۋرالى اڭگىمەلەپ، 2017 -جىلعا ارنالعان جوسپارلارىن ءبولىستى.
2016 -جىلدىڭ ناۋرىز ايىنان قازان ايىنا دەيىنگى ۋاقىتتا كومپانيادا ۇلكەن جوبا قولعا الىنعان بولاتىن. ول "OTAU TV" جەرسەرىكتىك تەليەۆيزياسىن شەتەلدىك Intelsat-904 عارىش اپپاراتىنان قازاقستاندىق KazSat-3 جەرسەرىگىنە كوشىرۋ بولاتىن.
"بۇگىنگى تاڭدا ەلىمىزدىڭ تۇكپىر- تۇكپىرىنەن 1,2 ميلليوننان استام ءۇي شارۋاشىلىعى "OTAU TV" جەلىسىنە قوسىلعان، ال بۇل 4 ميلليوننان استام قازاقستاندىق دەگەندى بىلدىرەدى. ۇلتتىق جەرسەرىكتىك ىشكى ساياسات بولىمدەرى قىزمەتكەرلەرى جۇمىلدىرىلدى. ابونەنتتەردى KazSat-3 جەرسەرىگىنە اعىمداعى جىلدىڭ مامىر مەن قازان ايلارى ارالىعىندا قىسقا مەرزىم ىشىندە كوشىرىپ ۇلگەردىك»، - دەيدى «قازتەلەراديو» ا ق باسقارما ءتوراعاسى اسقار حايرۋشەۆ.
ول سونداي- اق وتاندىق جەرسەرىكتىڭ پايداسىنا تاڭداۋدا ەكونوميكالىق ماقساتتىلىق بار ەكەنىن اتاپ ءوتتى. وتاندىق جەرسەرىكتى جالعا الۋ تەڭگەمەن تولەنەدى، حابار تاراتۋ وپەراتورى، بايلانىس وپەراتورلارى شەتەلدىك ۆاليۋتا باعامىنا تاۋەلدى بولمايدى. دالىرەك ايتساق، شىعىنعا ۇشىرامايدى. ال وتاندىق جەرسەرىكتى جالعا العان قاراجات ەلىمىزدە قالىپ ەكونوميكامىزدىڭ دامۋىنا سەپتىگىن تيگىزەدى.
حابار تاراتۋ سالاسىنداعى ۇلتتىق وپەراتور رەتىندە «قازتەلەراديو» ا ق قازاقستان رەسپۋبليكاسىندا تسيفرلىق ەفيرلىك تەلەۆيزيانى ەنگىزۋ بويىنشا جوبانى جۇزەگە اسىرۋدا. 2018 -جىلى جوبانىڭ اياقتالۋىنا وراي، 827 راديوتەليەۆيزيالىق ستانتسيا سالىنىپ، حالىقتىڭ %95 ى وتاندىق تەلەارنالاردى تسيفرلىق ساپادا قابىلدايتىن بولادى.
«بۇگىنگى كۇنى زاماناۋي حابار تاراتۋ جابدىقتارىمەن جابدىقتالعان 376 سيفرلىق رتس سالىنادى. بۇل ق ر حالقىنىڭ %77,5 نا سيفرلىق ساپادا تەلەارنالاردى قابىلداۋعا مۇمكىندىك بەرەدى. استانا، الماتى قالالارى مەن وبلىس ورتالىقتارى دەڭگەيىندە وتىزعا جۋىق تەلەارنالار جانە اۋدان مەن اۋىلدىق دەڭگەيدە 15 كە جۋىق تەلەارنالاردى تەگىن قابىلداۋعا مۇمكىندىك بەرەدى.
قىزمەتتەر ماڭعىستاۋ، الماتى، جامبىل جانە وڭتۇستىك قازاقستان وبلىستارىندا تولىقتاي قولجەتىمدى. اتالعان وبلىستاردا ۋاكىلەتتى ورگان - اقپارات جانە كوممۋنيكاتسيا مينيسترلىگى - كەزەڭ- كەزەڭمەن انالوگتىق حابار تاراتۋدى ءوشىرۋدى قاراستىرۋدا. ارينە، «تەلەراديو حابارلارىن تاراتۋ تۋرالى ق ر زاڭىنا سايكەس، التى ايدان كەم ەمەس مەرزىمدە حالىقتى الدىن الا حاباردار ەتە وتىرىپ جۇزەگە اسىرىلاتىن بولادى»، - دەيدى «قازتەلەراديو» ا ق باسقارما ءتوراعاسىنىڭ ءبىرىنشى ورىنباسارى ايدىن باجىكەيەۆ.
«قازتەلەراديونىڭ» الدا ۇلكەن جوسپارلارى بار. جۋىردا قازاقستاننىڭ 3 وبلىسىندا 127 سيفرلىق ەفيرلىك رتس ىسكە قوسىلادى. ياعني ەلىمىزدىڭ %86,9 حالقىن سيفرلىق ەفيرلىك تەلەۆيزيامەن قامتيدى.
