قازاق ءتىلى تۋرالى تاعى ءتورت پورتال ىسكە قوسىلدى

 دەپ حابارلايدى قازاقپارات اقپارات جانە كوممۋنيكاتسيالار مينيسترلىگىنە سىلتەمە جاساي وتىرىپ.

 «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 -جىلدارعا ارنالعان مەملەكەتتىك باعدارلاماسىندا مەملەكەتتىك ءتىلدى ۇيرەتۋ ۇدەرىسىنە جاڭا اقپاراتتىق تەحنولوگيالاردى ەنگىزۋ قاجەتتىگى باسا كورسەتىلگەن بولاتىن. «ءتىل الەمى» پورتالىنىڭ «Atau.kz» ونوماستيكالىق، «Emle.kz» ورفوگرافيالىق، «Termincom.kz» تەرمينولوگيالىق سايتىنىڭ ىسكە قوسىلۋى ينتەرنەت كەڭىستىگىندەگى تىلدىك كونتەنتتىڭ كوبەيۋىنە، مەملەكەتتىك ءتىلدى قاشىقتان ۇيرەنۋشىلەر قاتارىنىڭ وسۋىنە مۇمكىندىك جاسايدى»، - دەپ حابارلايدى دەرەككوز.

 اقپاراتقا سۇيەنسەك، «ءتىل الەمى» پورتالى ءتىلدىڭ الەۋمەتتىك، قوعامدىق قۇبىلىس رەتىندەگى قىزمەتىن مەيلىنشە تولىق قامتىعان. پورتالدىڭ مازمۇنى قوعامداعى تىلدىك سۇرانىستارعا وراي 1) تۇعىر؛ 2) اقپارات؛ 3) ءادىس؛ 4) ءتىل رايى؛ 5) تارتۋ؛ 6) تولعانىس؛ 7) ورتا تاقىرىبىنداعى 7 بلوكقا توپتاستىرىلدى. «Termincom.kz» ەلەكتروندىق سايتى «بەكىتىلگەن تەرميندەر»، «تەرميندەر حرونولوگياسى»، «قولدانىستاعى سالالىق تەرميندەر»، «ويتالقى»، «قۇقىقتىق- نورماتيۆتىك بازا»، «عىلىمي- ادىستەمەلىك نەگىزدەر» جانە «ىزدەۋ» بلوكتارىنان تۇرادى. ال «Atau.kz» ونوماستيكالىق ەلەكتروندىق سايتى «قۇقىقتىق- نورماتيۆتىك بازا»، «عىلىمي- تاجىريبەلىك نەگىزدەر» جانە «ىزدەۋ» بلوكتارىنان تۇرادى. «قۇقىقتىق- نورماتيۆتىك بازادا» سالاعا قاتىستى قۇقىقتىق نەگىزدەگى قۇجاتتار توپتاستىرىلعان. «Emle.kz» سايتى قازاقشا دۇرىس جازۋ، ءسوزدى دۇرىس ايتۋ، جۇرتشىلىقتىڭ ءتىل مادەنيەتىن كوتەرۋ ماقساتىندا قۇرىلدى.

 «بۇل جوبالاردىڭ ىسكە قوسىلۋى مەملەكەتتىك ءتىلدىڭ قولدانىلۋ اياسىن كەڭەيتۋگە، ءتىل ۇيرەتۋدىڭ ءتيىمدى ادىستەرىن تاراتۋعا قولايلى جاعداي جاسايدى. تۇتىنۋشىلار ءتىل ءبىلىمىنىڭ كەز كەلگەن سالاسى بويىنشا تۋىنداعان سۇراقتارىنا جاۋاپ الا الادى»، - دەپ حابارلانعان مينيسترلىكتىڭ اقپاراتىندا.

 اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى