تۇركيانىڭ بەدەلدى ۋنيۆەرسيتەتىندە «ءال- فارابي» زەرتتەۋ ورتالىعى اشىلدى
«جاڭادان اشىلعان ورتالىق ورتاق عىلىمي- زەرتتەۋ جوبالارىن جۇزەگە اسىراتىن حالىقارالىق الاڭ بولماق. بۇل ورتالىق - تۇركيا عالىمدارىنىڭ ۇلى فيلوسوفقا دەگەن جوعارى قۇرمەتىنىڭ بەلگىسى جانە قازاق حالقىنا دوستىق ىقىلاسى»، - دەيدى قازۇۋ باسپا ءسوز قىزمەتىنىڭ وكىلى ايگەرىم كامالدينوۆا.
ەۋرازيالىق «ءال- فارابي» ورتالىعى كاسىبي كادر دايىنداۋعا، قازۇۋ عالىمدارىنىڭ ەڭبەكتەرىن ستامبۇل ۋنيۆەرسيتەتىنىڭ حالىقارالىق باسپالارىندا جاريالاۋعا جانە ءبىلىم بەرۋ، عىلىمي- زەرتتەۋ قىزمەتىن دامىتۋعا باعىتتالعان. قازۇۋ پروفەسسورلارى ورتالىقتا قازاق ءتىلى، قازاقستان تاريحى مەن مادەنيەتىنەن ساباق بەرەتىن بولادى.
ايتا كەتەيىك، ورتالىقتىڭ اشىلۋ سالتاناتىندا ستامبۇل ۋنيۆەرسيتەتىنىڭ باسشىسى، پروفەسسور ماحمۋت اك قازۇۋ رەكتورى عالىم مۇتانوۆقا تۇركيانىڭ بەدەلدى ۋنيۆەرسيتەتىنىڭ «قۇرمەتتى پروفەسسورى» اتاعىن بەردى. رەسمي كەزدەسۋ بارىسىندا تاراپتار ءال- فارابي اتىنداعى قازۇۋ- دا «تۇرىك الەمى مەديا» ورتالىعىن اشۋ تۋرالى ءوزارا كەلىسىمگە كەلدى.
اۆتور: الماس مۇقاش ۇلى
