مەسسي الەم نازارىن اۋدارعان اۋعان بالاسىمەن كەزدەستى - فوتو
اۋعانستاندىق جاس بالا ارگەنتينالىق سۇرمەرگەننىڭ ەسىمى جازىلعان «جەيدەنى» پوليەتيلەندى قاپتان (پاكەت) جاساپ كيگەن. عالامتورعا جۇكتەلگەن سۋرەت الەم نازارىن اۋدارىپ، كوپ تالقىلانعان-دى.
سۋرەتكە تانىمال فۋتبولشىنىڭ دا نازارى اۋىپ، بالامەن جولىعىپ، جەيدەسىن سىيلاۋعا ىنتا تانىتقان ەدى.
سونىڭ ءساتى دوحاداعى «بارسەلونا» مەن «ال-احلي» كوماندالارى اراسىنداعى جولداستىق كەزدەسۋدىڭ الدىندا ءتۇستى. فۋتبولشى مۇرتازانى قۇشاعىنا قىسىپ، ەستەلىك سۋرەتكە ءتۇستى.
ايتا كەتەيىك، وسىعان دەيىن فۋتبولشى مۇرتازا احماديگە قولتاڭباسى قويىلعان جەيدەنى سىي رەتىندە جولداعان بولاتىن.
