توقايەۆ حالىقارالىق ۇيىمىنىڭ ۇيلەستىرۋشىسىمەن كەزدەستى
ءتوراعا «يادرولىق قارۋسىز الەم قۇرۋ» حالىقارالىق كونفەرەنسياسىن تابىستى وتكىزۋگە قوسقان قوماقتى ۇلەسى ءۇشىن پارلامەنتتىك ۇيىمعا العىس ايتتى. سەمەي يادرولىق پوليگونى جابىلۋىنىڭ 25 جىلدىعىنا ارنالعان فورۋم بيىلعى 29-تامىزدا استانادا وتكەن بولاتىن. ا. ۆارە تامىز كونفەرەنسياسىنىڭ قاتىسۋشىلارى قابىلداعان «استانا كوزقاراسى: راديواكتيۆتى تۇنەكتەن يادرولىق قارۋسىز الەمگە قادام» دەكلاراتسياسىن ب ۇ ۇ جانە باسقا حالىقارالىق ۇيىمداردا تانىستىرىلعانى تۋرالى حاباردار ەتتى.
ۇيلەستىرۋشىنىڭ ايتۋىنشا، حالىقارالىق قوعامداستىق قارۋسىزدانۋ جانە ونى تاراتپاۋ سالاسىنداعى قازاقستان پرەزيدەنتى نۇرسۇلتان نازاربايەۆتىڭ كوشباسشىلىعى مەن سىندارلى ۇسىنىستارىن اتاپ وتۋدە. PNND قازاقستاننىڭ، ونىڭ ىشىندە ەلىمىزدىڭ ب ۇ ۇ قاۋىپسىزدىك كەڭەسىنە مۇشە بولعان كەزەڭدەگى ساياساتىن جان-جاقتى قولداۋدى جالعاستىرا بەرۋگە نيەتتەنىپ وتىر.
