پۋتين جاپون جۋرناليستەرىمەن كەزدەسۋگە ءيتىن ەرتىپ كەلدى - فوتو
استانا. قازاقپارات - رەسەي پرەزيدەنتى ۆلاديمير پۋتين توكيوعا رەسمي ساپارمەن بارماق.
ءىسساپار قارساڭىندا جاپوندىق ب ا ق- قا سۇحبات بەرگەن پرەزيدەنت «نيپپون» تەلەكومپانياسى مەن «يوميۋري» گازەتىنىڭ جۋرناليستەرىمەن كەزدەسۋگە اكيتا-ينۋ تۇقىمداس ءيتىن ەرتىپ كەلىپتى.
«ماعان سىزدەردىڭ يۋمەنى كورگىلەرىڭىز كەلەتىنىن ايتتى. مارحابات، ول مىنە» - دەگەن پۋتين ءيتتى اكيتو اۋدانىنىڭ بيلىگى سىيعا تارتقانىن دا تىلگە تيەك ەتكەن.
ءوز كەزەگىندە تىلشىلەر ءيتتى كورەمىز دەپ ويلاماعانىن، ءتىپتى ازداپ قورقىپ قالعاندارىن ايتىپ، سوڭىندا العىس بىلدىرگەن.

رەسەي پرەزيدەنتى الداعى رەسمي ساپارىندا جاپونيا تۋرالى ءبىلىمىن ودان سايىن ارتتىرۋعا جانە الەمدىك دزيۋدو ورتالىعى سانالاتىن «كودوكان» ينستيتۋتىن كورگىسى كەلەتىنىن دە جەتكىزگەن.
دەرەككوز: dni.ru